477

2820. 1636 oktober 30. Aan L. Camerarius1.

Illustrissime Domine,

Haud multum agitur. Sed Witstochiensis nostrorum victoria attollit hic animos spemque dat fore, ut Gallassiani2 exercitus partem a Burgundia avellat rerum Saxonicarum necessitas.

Corbiam oppugnare parant Galli jubetque nos bene sperare non imperitus talium D. Castilionaeus3.

Rex4 Chantiliaci est, Abbaevillae cardinalis5, Blesis frater regius6.

Mari otium est ad Genuam et Vadum tenente se Hispanica classe, ad Villamfrancam Gallica. Neque in Valle Telina fit quicquam.

In Italia Galli Villattam, quod defendi posse non videretur, detractis munimentis reliquere facilem praedam agros tenenti. Polonos stipendii inopia digredi rursum a militia imperatoris7 parum certus rumor est.

Angli adhuc cunctantur. Utinam cum Batavis eorum controversiae ad concordiam deduci possent, quam ad rem se nulli operae parsurum ait comes Licestrius8, si qua se spes ostendat.

Alchymista Boismaillaeus9 aulam10 fumis replet. Pacis negotium pergit urgere pontifex11, sed nostrae res si porro, ut coeperunt, processerint12, existimabunt Galli sibi quoque obvenisse aut agendi tempora aut ex commodo gloriaque sua paciscendi.

Ponicae13 negotium, ut ex ipsius cognosco literis Windesora datis X/XX Octobris14, prolatatur, donec videant Angli, quo loco res ipsorum cum Gallis sint futurae. Interim in ea aula rumor erat revocari Arundelium15.

Tibi tuisque omnia prosperrima toto precor animo.

Illustrissimae Dominationi Tuae observantissimus16.
H. Grotius.

Lutetiae, XX/XXX Octobris MDCXXXVI.

478

Adres: Ludovico Camerario; Reginae Regnique Sueciae Consiliario et Legato apud Praepot. Ord. Foeder. Belgii.

Boven aan de brief in de copie te Uppsala: A.o 1636 d. 1/11 Novemb.