358

3122. 1637 juni 19. Aan S. Bielke1.

Illustrissime Domine,

Tandem ex ipsis Anglis2 licet scire, quod pridem credidimus, convenisse inter ipsos Gallosque ad procurandam Germanorum principum restitutionem. Ut Hamburgi Suedi Batavique pertrahantur in hujus federis communionem3 laborabitur. Interea rex Galliae4 spondet ad finem usque Iulii nihil se facturum cum hostibus in fraudem hujus federis ostenditque, si prorogari id tempus opus sit, non difficilem se force. Cupiunt a Suedorum Batavorumque legatis5 hoc fedus Lutetiae secum signari. Postulata omnium, ubi de iis convenerit, - difficile autem id satis ob spes utilitatesque aliorum alias - Angli ad imperatorem6 perferent7, qui, si pacem aequam abnuat, tum iidem8 Angli arma nobiscum, sic ajunt, sociaturi sunt. Ego quae Hamburgi futura sint colloquia, discere multum avebo. Utque de iis, quae aut fient aut dicentur, edocear, multum in his temporum articulis refert.

Rusticus ille motus accepta a rege venia consedit, bono Galliae, et, quod oppidum ab agrestibus tenebatur, Bergeracum, in id dux Valetta9 ingressus est. Et protestantes Galli, quorum Alenconii habetur synodus, regi verbis obsequentissimis fidem suam affirmavere.

Classis Neapolitana ac Sicula additis Ethruscis navibus imminere orae Narbonensis provinciae videtur. Sed ejus tutelae satis prospectum audio. Ab eadem classe naves privatae Batavorum magno satis numero captae non leve in mercatores damnum ferent.

Expectamus, quid ad Hanoviae fines facturus sit Valetta cardinalis10 et in comitatu Burgundiae duces Vinariensis11 et Longavillanus12.

359

Casali metuit Italia. Rhaetorum cum Austriacis fedus ab Helvetiis probatum est promissaque Rhaetis auxillia si quis eorum libertatem impetat.

Et haec cuncta bene ut cedant, Deum precor, Illustrissime Domine, et ut tibi cuncta sint prospera.

Lutetiae, 9/19 Junii MDCXXXVII.

Tuae Illustrissimae Dominationi omni cultu addictissimus
H. Grotius.