3290. 1637 oktober 9. Van J. van Reigersberch1.

Excellentissime Domine,

Occasio, quam expectando sum nactus, mutum me non patitur. Emensus montium vastitates Massilia errores meos sistit; inde cum primo ventu Genuam petam. Duae galerae Genuenses, quae legatum suum2 huc portavere, me reducent. Nunquam et certius et melius pontum inire poteram. Credimur cras aut perendie abituri. Una cum praesenti rationem praeteritae meae epistolae3 parum feliciter exaratae redderem, si crederem officia mea qualiacunque tibi displicere. Coniunx tua, domina honoratissima, me tibi, ut ultimis ipsi supplicavi, purgavit. Precor me tali semper amore prosequaris, quali desiderio me tui amantissimum de die in diem invenies.

Deus, Excellentissime domine, tibi tuisque favens adsit.

IX Octob. MDCXXXVII. Massiliae.

Tibi devotissimus cliens
I. Reigersberg.

Adres: Monsieur Monsieur Grotius, Ambassadeur de Suède A Paris.

In dorso schreef Grotius: Reig. 9 Oct. 1637.

En boven aan de brief: Rec. 5 Nov.