eLaborate
::: eLaborate options :::
    Show pagebreaks
    Show variations
    Letter



    3308. 1637 oktober 22. Aan L. Camerarius1.

    Illustrissime Domine,

    Hispani a Leucata repulsi retro a Perpiniano se tenent. De Dampvilleria bonum exspectamus nuntium, quanquam Isolanus2 eo et dux Carolus3 se contulisse dicuntur sero, ni fallor, tam bene munitis Castilionaei4 castris.

    Galli, qui ad Belgicum sunt finem, tam praecipite anno nihil ultra acturi videntur, quanquam de obsidendo Castelleto sunt rumusculi.

    De duce Bernhardo5 pridem nihil habemus certi. Dicitur autem repetiisse Ketsingi obsidium. Johannes autem Waertius6 Offenburgi esse et copiis ducem superare etiamnum. Ad famam venturi in Germaniam ducis Bernhardi Stuccardi in Wirtembergico solo quaedam coitio protestantium orta dicitur et suppliciis repressa.

    In urbe Taurinorum factio quaedam cardinalis Sabaudi7 erupit, quo magis regi8 cura esse debet, ut sororem9, etiam ducis10 testamento sibi commendatam et jam ab ordinibus Sabaudis et Subalpinis rectricem eorum populorum dictam, et armis et sui nominis auctoritate sustentet; quae quidem auctoritas, quo magis in conspectu Italiae fulgeat, princeps Condaeus11 creditur illuc mitti. Veneti, quanquam belli adhuc exsortes, arma tamen sibi contra incerta omnia circumdant.

    A Mediolano literae pergunt dicere in illo a Gallis adeo praedicato praelio non longe ab Asta ad Monbaldonum12 plures CC non occisos. Esse in Alexandrino agro

    663

    Hispanorum exercitum ipsumque Alexandriae Leganesium13. Ducis Mirandulani14 haeredem esse principis Galeotti filium15 eumque exemplo patris fidei se Hispanorum commisisse.

    Ad Aquas Helveticas conventum haberi Tiguro discimus, ubi vetera illa repetentur, toties irritata16, de dejiciendo Rheni in valle Telina castello, de pace constituenda inter utramque Burgundiam, de pecuniis quas Galli debent.

    A Bavaro17 multum cogi militis indidem scribitur; a Florentia vero, praefecturam maris ab Hispano18 dari cardinali Etrusco19; Parmensi duci20 quicquid ereptum fuerat reddi.

    His addo21 quae soleo vota, Illustrissime Domine, pro te familiaque.

     

    Lutetiae, XII/XXII Octobris MDCXXXVII.

    Excellentiae vestrae addictissimus ejusque observantissimus
    H. Grotius.

    Piccolominius22 ad Quesnojum se immunivit.

    Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

    Boven aan de brief in de copie te Uppsala in margaine: Red. 2 Novemb. st. n. A.o 1637 Hagae Comitis.
    Notes



    1 - Copie Uppsala, UB., cod. 388a, ep. 98. Gedrukt Epist., p. 372. Ludwig Camerarius was ordinarius Zweeds gezant in Den Haag.
    2 - Ettore Giovanni Ludovico Isolani, generaal van de Kroatische ruiterij in dienst van Ferdinand III.
    3 - Karel IV, hertog van Lotharingen.
    4 - Gaspard de Coligny, graaf van Châtillon.
    5 - Bernhard, hertog van Saksen-Weimar.
    6 - Johan van Werth, ruiteroverste in keizerlijke dienst.
    7 - Maurizio van Savoye.
    8 - Lodewijk XIII van Frankrijk.
    9 - Christine.
    10 - Vittorio Amedeo van Savoye, gestorven op 7 oktober 1637.
    11 - Henri de Bourbon, prins van Condé.
    12 - De copie te Uppsala heeft abusievelijk: Malbodunum.
    13 - Diego Mexia Felipes Guzmán, markies van Leganés.
    14 - Alessandro I Pico della Mirandola (†1637).
    15 - Alessandro II (†1691), zoon van Galeotto IV Pico della Mirandola (†1637).
    16 - De uitgave der Epist. heeft abusievelijk: irrita.
    17 - Maximiliaan I van Beieren.
    18 - Philips IV.
    19 - Carlo de Medici.
    20 - Odoardo Farnese, hertog van Parma.
    21 - Dit woord ontbreekt in de copie te Uppsala.
    22 - Ottavio d'Arragona, prins van Piccolomini, hertog van Amalfi.
    Search



    Searchform

    Fulltext search

    correspondent

    Search domain

    Search site
    Search current document

    [text]
    [text]
    [text]