Search
Add panel
[tiler debug info]
Monsieur,
Le bruict, qui a couru icy de vostre pourparler avecq ceux du parti de l'empereur2 m'a faict iuger que l'effect en seroit tel qu'il feroit paroistre autant vostre prudence comme les actions précédentes avoyent faict cognoistre vostre grand courage, quoy qu'aussi ces effects de vostre courage n'ont pas laissez d'estre accompagnez d'une prudence digne d'un fils de Mars et de Muses. Celuy qui a faict icy les affaires du comte3 et de la ville d'Hanau, homme très intelligent, soigneux et accord4, m'a resjouy me donnant quelque clarté sur l'événement de
679
mes espérances, par quoi je recognois, que les Escossois ont aussi bon esprit que les Anglois, me souvenant de ce qu'autresfois le Ser. François Veer5 en une occasion semblable a faict à Ostende. Je prends part à tout ce qui sert à vostre honneur, tant à cause de l'obligation, que je vous ay, depuis que j'ay eu le bonheur de vous cognoistre, que pour ce que cela redonde à l'honneur de la Suède qui vous a donné ce bel employ, duquel les histoires ne se tairont jamais.Si je pouvois apporter quelque chose ou à vostre contentement ou à vostre gloire, je me tiendrois heureux, comme estant celuy qui se vantera tousiours d'estre
vostre serviteur de très bon coeur
H. de Groot.
Le 30 Octobre 1637 à Paris.
Adres: A Monsieur, Monsieur le Comte Raamsai6, Gouverneur de Hanou.
