609

564. 1618 Maart 14. Aan G.J. Vossius1.

Vir Clarissime.

Puer meus, cui claudendum dederam eum, quem ad te misi heri fasciculum, oblitus est eidem includere has Lichfeldensis Episcopi literas2. Pudet hoc genere armorum nos uti. Sed vides quo saeculo vivamus. Episcopi Salisburiensis librum adversus Thomsonem3 an videris nescio, ego non habeo. Velim quid iudices scire si habes. Rex multis significavit nolle se ultra nostris controversiis implicari. De Synodo ecqua spes sit nescimus adhuc. Gratissimum foret videre te, sed metuo ne id postulare ab eo qui tam multa mihi praestet inverecundum sit. Vale quam optime cum uxore et liberis. Hagae. 14. Martii 1618.

Tuus totus
H. Grotius.