655B. [1621 juni 13]. Van A. de Groot-van Overschie.1

Seer lieve sone,

Ick hebbe uE. brief ontfanghen, die mijn seer aengenaem is geweest, siende dat ghij noch om mijn denckt. Ick ende de gemeenten hebben dancksegginge gedaen van uE. genadige verlossinghe, ende wij sullen continiveren om Godt te bidden dat hij uE. liefden voort wille stueren om te doen dat strecken mach tot sijne groten naeme en de welvaert van 't vaderlant, ende uE. ende ons aldersiele salicheyt. Groet ons uE. broeder ende laet hem mede eens aen mijn schriven opdat ick selve mach verstaen. Alle de v(r)iende doen uE. seer groeten,

uE. goetgunstige moeder,
Aeltgen Overschie.