692. 1621 September 16. Van F. Sweertius1.

D. Hugoni Grotio Franc. Sweertius S.D.

Immensas ago gratias, mi Groti, pro divina illa tua Silva. Incredibile quantam voluptatem omnibus nobis adtulit. Est hic vicinus meus Guilielmus Nieulant2, satis egregius pictor, poëta Belgicus, qui Elegiam in Carcerem tuum lusit3, ita me Deus amet, feliciter; mitto hic exemplar, scio arridebit. Ego totus in Bibliotheca Belgica, et fere ad finem perduxi. Carmen commendatitium expectabo4.

141

Te quoque Principibus permixtum videbis Achivis5 his verbis:

Hugo6 Grotius, IC. Poëta et Historicus, nascitur Delphis Batavor. ao 1583 IIII Id. Aprilis, patre Ioanne Grotio, Patritii Ordinis viro, cuius extant Carmina et I. Lipsii ad eum literae Douzaeque versus. Patruum habuit Cornelium Grotium Professorem Iuris Lugd. Batavor. Avum vero Hugonem Grotium virum Graece, Latine et Hebraice doctum. Anno aetatis XII coepit versus fundere et XVII. agens annum Hagae-Comitis Advocatus causas cepit agere. Scaligero, Douzae, Vulcanio, omnibusque claris et doctis viris carissimus. Comite Ioanne Oldebarneveltio Galliam vidit. Fit Advocatus Fiscalis Hollandiae ao. 1607. aet. XXV; postea eligitur a Roterodamensibus Pensionarius; et in Angliam missus ob motas controversias de commerciis, a Iacobo Rege humanissime excipitur. ut et ab Isaaco Casaubono. Tandem factionibus in Hollandia ingravescentibus cum a partibus Ordinum Bataviae constanter et magnanimiter staret, cum Iano Oldebarneveltio et Hoogerbetio apprehenditur, et post VIII mensium captivitatem carceri perpetuo in arce Loevesteyn prope Gorcomium mancipatur. Ubi vir doctissimus et meliori sane fortuna dignus, per II annos detentus, arca inclusus, custodibus deceptis, anno CIƆIƆCXXI. mirabiliter evasit et Antverpiam venit, finitisque Belgicis induciis Parisios profectus, ubi quietiorem agit vitam. Scripsit Poemata, Mare liberum, de Antiquitate Reipub. Bat. etc.’

Si quae velis mutanda aut delenda, significa, nam statim finitis nundinis Francofurtinis typographi manum operi admovebunt. Saluta D. Wttenbogardio et Episcopio. Vale et nos ama, qui te aeternum.

Antverpiae CIƆIƆCXXI. XVI Septembris.

Onse Casteleyn Don Inigo de Borgia heeft meynen in Casand te va(ren) met 14 O-mannen7 nu saterdach snachts lestleden. Parturiunt mo(ntes) nascetur ridiculus mus8. 't Geschut bleef in de modder ende slijck ste(ken), de ponten ende schuyten quamen après boire, in somma, eenighe en(tre)prinsen te doen compt Walen toe. De Marquis Spinola is by Wes(el) ende den Prinche van Oraengien niet verre van daer. Naer mijnne opini(e) en salder dit jaer nyet sonders utgerecht worden. In festo S. Lau(rentii) in Strecho de Gibraltar hebben de partye hollantsche schepen comend(e) van Levanten ongeluckich gevochten tegens 9 Spaense oirlogschepen; daer mochten wel dappere banqueroeten nae volghen.

Adres: Clarissimo doctissimoque Viro Domino D. Hugoni Grotio, Amico opt. max. Parisios.

In dorso schreef Grotius: (Swee)rtius 16 Sept. 1621. 16 Sept. 1621 Sweertius.