eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    760A. [1622 juni 1]. Van P. Scriverius.1

    Vir clarissime,

    Praepropero hoc abitu cognati mei2 et temporis angusti spatiis ex[c]lusus3 multa quae volebam scribere non potui. Quaedam etiam necessario scribenda oblitus sum. Inter quae illud erat de Seneca tragico et notis tuis.4 Quid iis nimirum fieri velis. Locutus sum iam olim cum typographo,5 sed te iam Dei beneficio tibi tuisque studiis reddito nolui quicquam facere te inconsulto. Erit quod iis super adstruere velis fortasse aut immutare, si otium sit et lubido. Quodsi summam manum iis imposueris, et quae nos dignissima doctorum lectione et luce publica arbitramur, tibi etiam edi placet. Age, praemittatur Hugonis Grotii Praefatio, aut si ita videbitur, et mihi inprimis volenti erit, Epistola ad P.S. qua amor tuus in studia humaniora, interrupta postea reip[ublicae] cura, etc. expona(ntur). Hoc age et audiamus

    Florem illibatum populi, Suadaeque medullam.6

    Vale, vir clarissime, et me, quod facis, amare perge. Raptim et haec, stans pede in uno, Lugduni Batavorum in aedibus Hogerbetianis, cum caeteris amicis valedicentibus tantillum temporis mihi superesse et chartam caeteraque arma scriptoria parata viderem. Vale iterum,

    a tuo,
    P.S.

    Ego Spicilegium adornabo et una cum tuis extrudam. Novam etiam vatis Bilbilitani editionem meditor.7 Hic opem tuam iam olim implorabam et adhucdum Alexicacus ille desideraris.8 Sane vix alius auctor est, qui acumine Grotiano magis opus habeat. Ne au-

    200

    tem indignum putes cum coquo congredi. Nec me putes iura eius omnia absorbuisse, ut vobis nihil praeter nuda ossa corrodenda relicta sint. Haec in amici gratiam a te dicta, sed aliter se rem habere deprehendes, si poetam in manus sumpseris. Tertio vale.
    Notes



    1 - Parijs, Institut Néerlandais, Fondation Custodia (coll. F. Lugt) 9655, eigenh. oorspr. Een adressering ontbreekt. Zoals uit de aanhef reeds valt op te maken, schreef Petrus Scriverius deze brief onmiddellijk na no. 760 (dl. II).
    2 - Adriaen Hogerbeets.
    3 - Vgl. Vergilius, Georgica 4, 147.
    4 - Scriverius wilde de aantekeningen van Grotius op Seneca Minor uitgeven in een vervolg op zijn L. Annaeus Seneca tragicus. Ex recensione et musaeo Petri Scriverii (Leiden 1620 en 1621). Uiteindelijk vond het plan geen doorgang en zagen Grotius' aantekeningen eerst in 1728 het licht. Vgl. BG no. 540 en C.S.M. Rademaker, ‘Scriverius and Grotius’, in: Quaerendo 7 (1977), p. 52-54.
    5 - De Leidse drukker Jean (Le) Maire.
    6 - Quintus Ennius, Annales 9, 308.
    7 - In 1619 en 1621 bezorgde Scriverius reeds edities van Martialis (ca. 40 - 104 na Chr., afkomstig uit Bilbilis, Hispania Tarraconensis). Zie ook Dichtw. I 2a/b 4, p. 95 en 102-103, en no. 767 (dl. II).
    8 - ‘Alexicacus’ (‘depulsor malorum’), epitheton van Hercules.