eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    826. 1623 April 13. Aan Willem de Groot1.

    Quod ad me scripsisti et quidem tam ubertim 3 Aprilis, mi Frater, magna est gratia. Quanquam tristia sunt quae nuntiantur, ea ipsa tamen scire me et mea et aliorum interest: quare dum haec fervent rogo saepe ad me omnia scribas quae alicuius ad rem aut publicam, aut privatam momenti iudicabis. Quo in loco res sint Gallicae non repetam: mitto enim apertas ad te et patrem eas quas Melissaeo2 scribo literas, eas si ita ex usu videbitur lectas obsignabitis ac tradetis, et siquid respondeatur renuntiabitis. Patri plurimas ago gratias pro cura in honorem gentis nostrae insumpta: accepi enim stemma per Graswinckelium3 cuius consuetudine recreor. Daetselarium4 cum uxore exspectabimus. De linteis nihil propius intellexit uxor, quam ad ipsos scripsit. Sed post festos hos dies iterum explorabit, et siquid resciverit faciet eos certiores. Sententiarum in supplicio affectos5 exemplaria exspectabimus. Velim scire et quae ad populum locutus sit Corenwenderus6; ni ea tulerit Pleonandri alter7 qui expectatur, per quem et Apologe-

    287

    ticum Belgicum8 spero aliquando visurus. Sed et quid ultra eventurum sit in Kesseliano negotio9 intelligere aveo. Quod postulat Beresteinius10, utinam intellexim paulo distinctius, vix enim assequor quale sit quod desiderat. Iuvate me consilio. Video enim tempus esse satis superque, ut de eo cogitemus. Non abs re forte erit si Debyaeo11 ostendatur exemplum instrumenti tutelaxis quo me Rex honoravit12, ut intelligat non deesse hic mihi amicos. Patri, matri, agnatis, cognatis, affinibus ego et uxor cum officiis nostris salutem mittimus, et rogamus ne natalis mei13 sitis immemores. Valete. Lutetiae 13 Aprilis 1623.

    Tui negotii successum felicem opto ex animo, et cupio intelligere quousque processerit.

    Tibi addictissimus Frater
    H. Grotius.
    Notes



    1 - Gedrukt Epistolae p. 769.
    2 - Joris de Bye.
    3 - Dirk Graswinckel, zie p. 133 n. 4.
    4 - Adriaan Daetselaer, bij wien de kist bezorgd was.
    5 - De veroordeelden wegens den aanslag op Maurits; de vonnissen o.a. bij Knuttel, Pamflet 3442 vv.
    6 - David Coorenwinder, een der samenzweerders; zijn laatste woorden bij Brandt, Hist. der Reformatie IV p. 1050.
    7 - Een der Meermans; zie p. 274 n. 12.
    8 - De 2e druk van de Verantwoording; zie p. 76 n. 1.
    9 - Michaël van Ophoven, prior der Dominicanen te Antwerpen, had getracht den gouverneur van Heusden, baron van Kessel, om te koopen, om de stad aan den vijand over te leveren. Van Kessel liet hem gevangen nemen en zond hem op naar Den Haag. Zie Brandt, Hist. der Reformatie IV p. 1101 vv.
    10 - Vermoedelijk Mr. Cornelis van Beresteyn (1586-1638), advocaat voor het Hof van Holland en in 1625 veertig te Delft.
    11 - Joris de Bye.
    12 - Zie no. 818.
    13 - Grotius was op Paaschzondag geboren; in 1623 viel Paschen op 16 April.