eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    1179. [1627] oktober 2. Aan Willem de Groot1.

    Non scriberem nunc ad te, mi frater, nisi urgeret res, super qua consilium

    177

    poscis, quod ego mihi magis honorificum quam tibi utile sentio tam longe remotus a rerum vestrarum notitia. Tranquillitatem (sic) advocationis et nulli magis quam velis obnoxium vivendi genus non immerito te mulcet, nec injuria ingenia ad quaestum facta et bonarum artium ignara reformidas. Forte et aasiduus labor oneraturus sit valetudinem tuam. Rursum video non esse abjiciendas occasiones, quae rem familiarem loco meliore collocare possunt. Nec spernenda quae de propagandis amicitiis et hoc rerum salo nobismetipsis muniendis prudenter proponis. Ego sicut calidam ambitionem non probo vel ob hoc, ne, siquid durius incidat, habeamus in quo nosmet accusemus, ita bonorum consensum prope est, ut pro divina vocatione habeam. Quod ergo a vobis negotiisque vestris tanto intervallo dissitus possum, Deum oro, feliciter ut tibi hoc omne publicoque eveniat. Tum vero suadeo, ut et Mermanni2 nobis optime volentis et ipsius Borelli, qui hoc munere functus est, consilio utaris; et illud non negligenter explores, quae Borelium causa ad relinquendam eam stationem impulerit. Nam et hoc, ni fallor, tuam deliberationem instruere poterit.

    Vale, frater optime, rerum novarum nihil scribo, quia quicquid est, id hodie ad te jam perscripsi literis3, quas mercatori Rotterodamensi dederam, paulo antequam tuas acciperem. Phoenissas4, rem Mantuanam5 et Iacchaei6 non opus est tibi commendem, quando satis memorem video.

    Pridie diei, qui liberato Lugduno sacer. Lutetiae.

    Tuus germanus
    H. Grotius.
    Notes



    1 - Gedrukt Epist., p. 800. Ik stel de brief op 1627, omdat er sprake is van het negotium Mantuanum en van Iacchaeus, aan wie Grotius een positie in Parijs had aangeboden; hierover is in de brieven aan Willem uit deze tijd telkens sprake. Iacchaeus overleed op 18 april 1628; zie Molhuysen, Bronnen II, p. 140. De brief is een antwoord op een van Willem, waarin deze Hugo's raad gevraagd heeft over het aanvaarden van een betrekking, tot dan toe door Boreel bekleed. M.i. wordt hier Willem Boreel bedoeld en was de betrekking die van advocaat der O.I. Compagnie; in 1627 werd Boreel pensionaris van Amsterdam. Vgl. Mr. H. Vollenhoven, Broeders Gevangenisse. 's-Gravenhage 1842, p. 74 v.
    2 - Dirck Meerman.
    3 - Waarschijnlijk no. 1177.
    4 - Zie no. 1082, p. 57 n. 7.
    5 - Zie no. 1166.
    6 - Zie no. 1166.