eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    1193. 1627 november 5. Van Lucas Holstein 1.

    Ampliss. et Cl. Dn. Hugoni Grotio Lucas Holstenius

    Χαίϱειν ϰαὶ εὐπϱάττειν.

    Vir Amplissime,

    Graviter me et in humanitatem tuam et officium meum peccaturum existi-

    194

    mavi, si nobilis et Cl. Gulielmus Setonius2 sine meis literis ad vos abiret, cuius amicitia magno mihi usui fuit et cui plurimum eo nomine debeo, quod hospitem in hac aula accurate multa docuit, quae non nisi longo usu et magno meo periculo percipere potuissem. Tui vero si quisquam mortalium amantissimus est et impense ingenii atque eruditionis tuae magnitudinem admiratur, et apud Italos, iniquiores Transalpinae virtutis aestimatores, acriter non semel tuorum operum defensionem suscepit, praesertim eius, quod de pacis et belli iure3 edidisti: et intercessit apud magnates huius aulae, ne divinum illud opus temere proscriberetur. Qua de re multa tibi exponere poterit, uti etiam de mearum rerum statu, modo tua, qua soles, humanitate virum eruditissimum complectaris.

    Ego totus nunc in Porphyrii4 et Procli opusculis producendis versor, et multa praeclara antiquitatis monumenta ex Romanis bibliothecis eruta habeo, quae lucem sensim adspicient. Ubi summus pontifex in Vaticanum concesserit, conferam Procopii historiam ad scriptum exemplar optimum et integerrimum; nunc enim nonnisi ex intervallo et quidem iusto itinere eo excurrere licet. Nactus sum nuper antiquissimam paraphrasin ἰξευτιϰῶν Oppiani5, quae Eutocio sive Eutecnio cuidam tribuitur; eam cum Arriani Cynegetico producam. Si qua opera mea studiis tuis service hic possit, offero eam promtam paratamque, modo indicare placeat.

    Vale, amplissime Groti, et Nic. Rigaltium6 caeterosque amicos officiose meo nomine saluta.

    Romae MDCXXVII nonis Novemb.

    Adres: Clarissimo et Amplissimo viro Hugoni Grotio, domino meo omni obsevantia colendo Lutetiam.

    In dorso schreef Grotius: November 1627 L. Holsteinius.
    Notes



    1 - Hs. Bayr. Staatsbibl. München, Autographensammlung s.v. Holstenius. Beant. d. no. 1217. Lucas Holstein (1596-1661), beroemd filoloog, studeerde medicijnen te Leiden en kwam na een reis naar Italië en Engeland in 1624 in Frankrijk, waar hij tot 1627 in Parijs bij Henri de Mesmes bibliothecaris was. Hier ging hij tot het katholicisme over. In 1627 nam kardinaal Francesco Barberini (zie II, p. 432 n. 5) hem mee naar Rome, waar hij in pauselijke dienst kwam.
    2 - Niet gëidentificeerd.
    3 - In 1625 bij Buon in Parijs verschenen; zie Ter Meulen-Diermanse, no. 565. Het boek was op 26 maart 1626 op de Index geplaatst. Hiertegen richt zich Holsteins kritiek.
    4 - Vgl. no. 1217, p. 230 en n. 8 t.p.
    5 - Het werk zelf is verloren en de parafrase van Eutecnius onzeker; de gangbare uitgave in Grotius' tijd was die van Rittershusius, Oppiani opera. Leiden 1597.
    6 - Nic. Rigault; zie no. 1189, p. 188 n. 2.