eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    1295. 1628 augustus 5. Aan Willem de Groot1.

    Hodie, mi frater, recte accepi literas, quas tu XXIII Iulii, pater XV dederatis, et pro nuntiatis gratias habeo maximas. Sed in tuis non intelligo, quid sit quod dicas misisse parentem exemplar literarum, quod Narsius2 vobis tradiderat. Ego tale nihil vidi, nihil accepi. Mirum vero, ni fatum sit omnium eorum, quae Suediam tangunt, ne recte curentur. Quid ergo est ad quod respondere possim? Quid ad Narsium scribere?

    Apocham proxime mittam. Syntaxim invenimus Cauchii3, qua utimur. Sed Etymologia destituimur illa Hagiensi4, nostrum enim exemplar usu mutilatum est. De vermibus5 repeto preces et de librorum Vossii ac Iacchaei pretio6.

    Rupella nondum esurit ex voto et spe pridem concepta regis. Anglorum classis adhuc exspectatur. Carcer Bastilianus stipatur protestantibus ob commercia cum Anglis aut Rohanio7. Pastorum rigorem miror ex deliberationibus synodicis.

    De Cornelio nostro jam scripsi8, quid agendum censeam. Interim Vossio gratias ago maximas, amico constanti nec ad Heinsii instar. De Rotterodamensi negotio quod scripsit pater, siquid propius intelligitis, facite, quaeso, sciam.

    Deum rogo parentes optimos et te cum familia nostrique amantes servet.

    V Augusti XVIcXXVIII.

    360

    De Iure belli et pacis9 non urgent me Buoniani haeredes10. Itaque possum siquis nostri amans desiderat ei gratificari.

    Tui amantissimus frater
    H. Grotius.
    Notes



    1 - Gedrukt Epist., p. 809.
    2 - Zie no. 1063, p. 34 n. 1.
    3 - Antonius van Cuyck uit Utrecht (geb. ± 1535, overl. in of kort na 1601). Hij was van 1568 tot 1575 schepen van Utrecht en werd in 1592 raadsheer en advocaat van de Staten van Utrecht, welk ambt hij tot 1601 bekleed heeft. Zijn Grammatica Latina is in 1577 en in 1581 te Antwerpen verschenen. Vgl. verder no. 1276.
    4 - Zie no. 1276, p. 329 n. 5.
    5 - Vgl. no. 1278.
    6 - Hierover ook in no. 1289.
    7 - De hugenotenleider Henri de Rohan.
    8 - Vgl. no. 1283.
    9 - In 1625 bij Buon in Parijs verschenen; zie Ter Meulen-Diermanse, no. 565. Het gaat wellicht over de herdruk, die echter eerst in 1631 te Amsterdam verschenen is; zie Ter Meulen-Diermanse, no. 567 en remarque 2 aldaar.
    10 - Buon was op 22 april overleden.