eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    1918. 1634 maart 18. Van P. Cunaeus1.

    Vir amplissime,

    Literis tuis novissimis, quas mihi tradidit Cassius tuus2, respondi nuper XXI. Decembris3, ac Summae Curiae senatorem Reigersbergium4, affinem tuum, rogavi, ut epistolam meam ad te transmitteret, a quo etiam simile officii genus ante annum expetii. Nunc, cum iter ad te parat ille idem Cassius, abire eum sine meis ad te literis passus non sum.

    Ego iuveni cultissimo eruditissimoque et ad omnem laudis excellentiam nato praestiti non quantum commendatio tua et virtus eius merebantur, sed quantum potuit mediocritas mea. Supervacuum erit, si te monuero, ut quem semel gravissimo luculentissimoque iudicii tui testimonio prosecutus es5, eundem porro ornare quibuscunque rebus poteris, velis. Cum enim semper mirum in modum propenso erga omnes tuos affectu sis, quidquid huic feceris, non nobis tribues, sed moribus tuis. Evulgavit es nuper duas Augusti Buchneri dissertationes6, in quibus castigatae cuiusdam doctrinae genius supra Germanorum eminet indolem. Si plura id

    237

    genus monumenta Witenberga prodierint, credam plus eam gentem rebus turbatis quam in media pace posse.

    Vale, vir summe et incomparabilis ac seculi nostri primarium decus.

    Lugduni Batavorum 18. Martii 1634.
    Notes



    1 - Gedrukt Cunaei Ep., p. 104.
    2 - Christian Cassius; vgl. no. 1902, p. 215 en n. 9 aldaar.
    3 - No. 1902.
    4 - Nicolaes van Reigersberch.
    5 - Vgl. no. 1902; de bewuste brief van Grotius is verloren gegaan.
    6 - Aug. Buchneri Orationes in laudes Gustavi Adolphi, nl. diens Oratio Prima, Serenissimo et Potentissimo Svecorum Regi ob partam A. MDCXXXI Lipsiensem Victoriam Dicta Anno MDCXXXII D. VII Septembr. en - naar ik vermoed - zijn Oratio Secunda Ob Eandem Victoriam Lipsiensem Dicta in Templo Arcis, VII. Ibid. Septembr. A. MDCXXXIII; zie Augusti Buchneri, Clarissimi & Eloquentissimi Viri, Orationum Academicarum Volumina tria, Quorum primum Panegyricas, Secundum Festas, Tertium, nunc primum editum, Literarias continet. Subjuncta est huic Editoris M. Joh. Jacobi Stubelii, jam Ill. Scholae Misen. Rectoris Oratio De Excensionibus Nocturnis Alumnorum Electoralium; Et Buchneri Autoris Vita per Eundem descripta. Totum Opus valde necessariis atque utilissimis Indicibus instructum est. Francf. & Lipsiae, Apud Godofredum Leschium MDCCV, p. 2 vv. en p. 15 vv. De uitgave van Cassius heb ik niet kunnen achterhalen. August Buchner (1591-1661) was dichter en klassiek filoloog; hij werd in 1616 te Wittemberg professor poeseos, in 1631 professor eloquentiae.