eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    2008. 1635 maart 14. Aan A. Oxenstierna1.

    Illustrissime et Excellentissime Domine,

    Qua de re scripseram nuper, scriptionem repeto, a V. Cl. Elia Diodati2 rogatus, quicum amicitia mihi est vetus ab annis viginti et ultra. Dn. de Villeroy3, magni vir iudicii semper eum fecit plurimi et tractandis civilibus negotiis maximis idoneum existimavit. Usi eius opera et postea cancellarius Sileriacus4 aliique. Etiam cardinalis Riceliacus in Germania illi res tractandas mandavit ipsumque suo merito magni facit carumque habet.

    361

    Quod petit est pecunia D. Raschio5 necessario tempore credita. Eam si auctoritate Illustrissimae Excellentiae vestrae consequetur, quanquam nihil nisi suum consequetur, pro beneficio accipiet et quo est animo, si qua se det occasio, gratum se praestabit.

    Restat, Illustrissime et Excellentissime Domine, id optem, ut quamplurimis benefaciendi semper Illustrissimae Excellentiae vestrae benigna sit occasio.

    IV/XIV Martii MDCXXXV.

    Illustrissimae Excellentiae Vestrae
    devotissimus cultor
    H. Grotius.
    Notes



    1 - Hs. Stockholm, RA. Eigenh. oorspr. Gedrukt Epist., p. 135; Oxenst. Skrifter 2 afd. II, p. 19. Copie Den Haag ARA. Eerste afd. coll. H.d. Gr. Aanw. 1911 XXIII, 1, p. 2.
    2 - Zie no. 1984, p. 327.
    3 - Nicolas Neufville, heer van Villeroi (1542-1617); zie III, p. 87 n. 4.
    4 - Nicolas Brulart, markies van Sillery (1544-1624); hij werd kanselier van Frankrijk in 1607.
    5 - Christoph Ludwig Rasch; zie no. 1984, p. 327 en n. 8 aldaar.