eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    2409. 1635 december 21. Aan A. Oxenstierna1.

    Excellentissime Domine,

    Postquam literas hodiernas2 obsignaveram, intelligo honorem oppressi Gustaviburgi Hogendorpio nostro3, quod gaudeo, deberi; hostibus occisis dirutum castellum, quod defendi nequiret; literis ducis Bernhardi4 regem5 rogari, ut Maguntiaco victus penuria periclitaturo quamprimum subveniat; Hanoviam defendi; a ducis Lotharingi6 milite - nam Gallasianos7 maximam partem trans Rhenum esse - Dagesteinium, Benfeldii accessionem, oppugnari gerentibus se

    430

    strenue defensoribus; Mochelium8, quod ab Argentoratensibus non satis comiter haberetur, inde discessisse Benfeldium, cumque et Gallicarum rerum actor Insulanus9 inde absit in hac aula retentus, Valquesteinio10 vacuum dari locum ad promovendas res Caesaris11; neque tamen id valuisse ejus autoritatem, ut civitas Rheni transitum Caesarianis suum per pontem, aut qui agros circum colunt commeatus eis concesserint; dari tamen militibus Caesaris et ducis Caroli exiguo numero aditus liberos.

    Multi existimant consultum regi fore, ut trans Rhenum et ipse partem mittat copiarum; atque interim bono commeatuum provisu retineat, quae in Alsatia habet.

    Haec addenda censui, Excellentissime Domine, cum iisdem votis.

    Tuae Sublimitatis cultor devotissimus
    H. Grotius.

    Lutetiae, 11/21 Dec. 1635.

    Adres: Axelio Oxenstiernae, Sacrae Reg. Maj. Regnorumque Sueciae Senatori et Cancellario.
    Notes



    1 - Hs. Stockholm, RA. Eigenh. oorspr. Gedrukt Epist., p. 205; Oxenst. Skrifter 2. afd. II, p. 134.
    2 - Bedoeld is brief no. 2401 van 20 december.
    3 - Gijsbert van Hogendorp; zie over hem p. 287 n. 13.
    4 - Bernhard, hertog van Saksen-Weimar.
    5 - Lodewijk XIII van Frankrijk.
    6 - Karel IV, hertog van Lotharingen.
    7 - De troepen van Matthias, graaf Gallas, bevelhebber in het keizerlijk leger.
    8 - Friedrich Richard Mockhel, Zweeds gezant residerende te Benfeld.
    9 - Melchior, sieur de L'Isle.
    10 - Deze Von Falkenstein (?) is mij niet nader bekend.
    11 - Ferdinand II.