Search
Add panel
[tiler debug info]
Choose a letter
Serenissima ac Potentissima Regina, Domina Clementissima,
Res laetae sociorum non ad gaudium tantum Tuae Majestatis, sed et ad necessariam his temporibus rerum dijudicationem pertinent.
Certus ab Italia nuntius advenit Crequiacum2 cum X millibus peditum, equitibus MD transiisse Ticinum et hoste vocato ad praelium pugnasse diu ambigue. Sub finem praelii ipsum advenisse Sabaudiae ducem3. Victoriam penes Gallos
236
fuisse non incruentam mille suorum amissis, sed claris praemiis; occisis hostium tribus millibus ducibusque ipsis Martino Arragone4 et Gambicurta5; captis hominum octingentis, quos inter praefecti multi, machinis undecim, signis multis, commeatu, sarcinis et quae bello usui, agroque circum omni, qui plenus est frugum, facto Gallorum potestatis. Spes est majorum successuum, uti ex altera parte Larium transgressus lacum incubuerit hosti Rohanius6.Tabernae Alsaticae sub pactis dedere se cupiunt; plenam deditionem vult dux Bernhardus7. Dola etiam nunc obsidetur.
Deus res aeque prosperas saepe largiatur amicis et praecipue, Serenissima ac Potentissima Regina, Domina Clementissima, Tuae Majestati.
Lutetiae, 4 Iulii novi Cal. 1636.
Augustae Majest. Tuae obedientissimus subditus
H. Grotius.
