2866. 1636 december 3. Van Willem de Groot1.

Frater optime,

Nefas duxi Losecatium nostrum2 ad te mittere sine ullis meis litteris, quare haec raptim exaravi sperans juvenem hunc ita se tibi probaturum, ut dignum judicaturus sis, qui te habeat avunculum.

Eadem opera operis Graswinkeliani3 partem primam adjunxi, quam ille a te videri voluit: profitetur ipse se, dum haec priora scriberet, tua legere distulisse, ne tuis nimium verbis insisteret, quod aliter evitare se vix posse verebatur. Accusat Seldenum4 malae fidei in citandis locis, sed tamen amicam, ut cum viro nudi (?)-quaque doctissimo, instituit disceptationem.

Vale, frater optime, cum uxore et liberis5 et nos absentes et hunc praesentem solito amore prosequere.

Raptim.

549

Tibi obsequentissimus frater
Guilielmus Grotius.

Hagae, III Decembris 1636.

Adres: A Monsieur Monsieur Grotius, Ambassadeur de la couronne de Suède A Paris.