eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    3125. 1637 juni 20. Van A. Oxenstierna1.

    Nobilis et Magnifice Domine legate,

    Acceperunt non ita pridem Illustrissimi regni administratores2 electoris Brandeburgici3 literas postulantes Pomeraniae ducatus voluntariam cessionem occasione ex ipsius ducis4 nupera morte desumpta, quae ansam deducendi juris nostri praebuerunt et cum informationi vestrae inservire queant, utrarumque literarum exemplaria num. 1. 2. subiungo5.

    Accessit etiam nuper quidam a rege Magnae Britanniae6 ablegatus, Barclaius7, qui in negocio foederis ineundi generalia quaedam proposuit prioribus haud absimilia; tulit responsum, quale ex usu iudicatum, quae cuncta ut Dominatio Tua

    360

    plenius cognoscat utriusque et propositionis et datae resolutionis copias8 sub numeris 3. 4. transmitto.

    Ad quae sermones suos interim Dominatio Tua dirigere possit, dum quae ulterius intercedant, tempus edoceat.

    Dominatio Tua Deo commendata quam optime valeat.

     

    Dabantur Stocholmiae, die 10/20 Iunij MDCXXXVII.

    Dominationis Tuae amicissimus
    Axelius Oxenstierna mp.

    Adres: Nobilissimo Domino Hugoni Grotio, Sacrae Reg.ae M.tis Sueciae Consiliario et ad christianissimum Galliae Regem Legato ordinario. Parisiae.

    Onder aan de brief: Domino Legato Grotio.

    In dorso schreef Grotius: 20 Iulij (sic) 1637 Cancellarius.
    Notes



    1 - Hs. Stockholm, RA., coll. Gallica, brev till legaten Hugo Grotius 1635-1638. Eigenh. ondertek. Beantw. d. no. 3180.
    2 - Voor hun namen zie men no. 2957, p. 91 n. 2.
    3 - Georg Wilhelm, keurvorst van Brandenburg.
    4 - Bogislaw XIV, hertog van Pommeren, gestorven op 3 maart 1637.
    5 - Ontbreken.
    6 - Karel I.
    7 - John Berkeley.
    8 - Ontbreken.