eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    3191. 1637 augustus 3. Van J. Slupecki de Konary1.

    Nobilissime et Amplissime vir, amice plurimum observande,

    Gratias ago ingentes, quod litteris meis, maxime vero illis, quas postremum ad te scripseram2, tam abunde respondere minime gravatus sis. Agnosco hinc

    469

    immortalem tuum erga me amorem, quem ego, quanti aestimem, non est mearum virium exprimere.

    Frater meus minimus natu3, quem una mecum Lutetiae vidisti4, iterum in Bataviam proficiscitur eo proposito, ut in re militari, cuius scientia christiani orbis populos facile superatis, iuvenilem aetatem suam exercere possit.

    Hunc tu pro eo, quo me meosque omnes prosequeris, affectu rogo, commendes interioribus amicis tuis, quorum favore subnixus tutius et commodius proposito studio incumbere valeat. Erit hoc inter caetera tuae erga me benevolentiae non postremum monumentum, quam ego, cum retribuendi facultas desit, colam memoria sempiterna.

    Dum hasce litteras ad te scribebam, habebam domi meae excellentissimum et doctissimum virum Paulum Crokerum5 a multis iam annis intima mihi familiaritate coniunctum.

    Is famam nominis tui tanto eruditionis fulgore circumdatam iam pridem adamavit; nunc vero cum me ad te scribentem vidisset, diu multumque versavit animum, utrum gravissimis occupationibus tuis obstrepere litteris suis deberet. Sed victus fiducia humanitatis tuae tandem persuaderi sibi a me passus est, ut te compellaret6. Quare impense rogo, ut hunc non minus virtutis quam eruditionis spectatae virum favore et amicitia tua dignum existimes eumque inter devotos amplissimi nominis tui cultores admittere digneris. Facies rem et mihi gratissimam et fama humanitatis tuae omnino dignam.

    Vale, amice animo meo charissime. Deum ter optimum maximum ut te quam divitissime reddat incolumem precor et servet animae dimidium meae.

    Tui amantissimus
    Georgius Slupecki de Conari
    Cap. Pilsn. mp.

    Dabam Opoliae, die 3 Aug. a. 1637.

    Onder aan de brief staat in andere hand: Inscriptio erat Nobill. et Ampliss. Viro D.o. Hugoni Grotio, L. Reginae Sueciae apud christianissimum Paris.

    Boven aan de brief schreef Grotius: rec. 28 april 1638.
    Notes



    1 - Hs. Den Haag, Kon. Bibl., 76 D 26 no. 7. Eigenh. oorspr. Antw. op no. 2884 (dl. VII)? Betreffende de schrijver zie men IV, p. 52 n. 7.
    2 - Wanneer de onderhavige brief inderdaad (zie hierboven, n. 8) een antwoord is op no. 2884 van 12 december 1636, dan wordt hier no. 2695 bedoeld, waarop 2884 het antwoord is.
    3 - Mikolaj; zie IV, p. 51 n. 11.
    4 - In mei 1629. Zie Vossius' brief aan Grotius van 12 mei 1629 (dl. IV, p. 51/3) en aantekeningen.
    5 - De Poolse medicus Paulus Crokerus
    6 - De brief staat nog vermeld in de Catalogus der Bibliotheek Mr. H.W. Tydeman Eerste deel. Auctie Martinus Nijhoff en E.J. Brill, 's-Gravenhage 1864, no. 829; hij blijkt gekocht te zijn door R. Leuma en is sindsdien spoorloos.