eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    3324. 1637 oktober 31. Aan C. Salmasius1.

    Viro eximio Cl. Salmasio Hugo Grotius,

    Debitor pridem tibi magnae sortis usuras2, quas persolvere meum fuerat3, ultro abs te exspectabam, cum iterum nomen me tuum facis tam benigne de nostris e Graeco versionibus4 existimando. Non falluntur Elsevirii5 cum arbitrantur neminem esse ex iis, quos literarum fama commendat, quem pluris quam te faciam idque velim et ipsis et aliis plane appareat. Caeterum meum opus6 nondum eo perductum est, ut edi possit. Praeterea aliud meum est institutum aliud Elseviriorum. Hi Procopium volunt dare bonum Graece e manuscriptis, bonum latine ex

    692

    interpretatione Vulcanii7, Graece doctissimi, quod ei testimonium liberaliter saepe reddidit magnus Scaliger8, et ego9 justissime approbo quippe eo usus magistro et studiorum meorum adjutore.

    Mihi vero propositum est contrahere quae illustrandas antiquitates Gothorum consanguinearumque gentium pertinent: et eam ad rem, uti par est, tum mandata tum adminicula e parente Gothorum Scandinavia opperior. Faveo igitur illorum labori: meum lente per10 occupationes varias tamen promovebo et Deo volente ad finem aliquando perducam. Flagitamus tuas Centesimas11, et Arnobium12 et Militiam13.

    Vale, vir summe, mihique inter eruditionis tuae veneratores locum da non infimum.

    Lutetiae, XXXI. Octobris MDCXXXVII.

    Adres: A Monsieur Monsieur de Saumaise A Leiden.

    In dorso staat: 31 Octob. 1637.

    Met andere hand is aan het opschrift toegevoegd: Leidano.
    Notes



    1 - Hs. Den Haag, Bibl. Vredespaleis, Ms. 5. Eigenh. oorspr. Copie Rotterdam, Gem. Bibl., coll. Rem. Kerk, cat. v. hss., no. 674. Antw. op no. 3294. Gedrukt Epist., p. 369 (gedateerd op 14 oktober); ibid., p. 375; Ep. ad Gallos, p. 393.
    2 - Salmasius had een werk over de woeker op de pers, getiteld: De Vsvris Liber, Clavdio Salmasio auctore. Lvgd. Batavor. Ex Officina Elseviriorum. MDCXXXVIII.
    3 - De copie te Rotterdam voegt hieraan toe: ut avaritiam meam videas tertio.
    4 - Het betreft Grotius' vertaling van Procopius ten behoeve van zijn - posthuum verschenen - Historia Gotthorvm, Vandalorvm, & Langobardorvm. Zie Ter Meulen-Diermanse, no. 735. Vgl. no. 3294, aanhef.
    5 - Bonaventura en Abraham Elzevier.
    6 - De copie te Rotterdam heeft het woord ‘Procopianum’ toegevoegd.
    7 - Vgl. hierover VII, p. 581 n. 8.
    8 - Joseph Justus Scaliger; zie over hem no. 3114, p. 348 n. 7.
    9 - Dit ‘ego’ ontbreekt in de copie.
    10 - De copie heeft ‘inter’ in plaats van ‘per’.
    11 - Hiermee wordt bedoeld Salmasius' bovenvermelde boek over de rente: De Vsvris liber.
    12 - Zie no. 3077, p. 293 n. 2.
    13 - De re Militari Romanorum Liber. Opus posthumum. Lvgd. Batavorvm, Apud Johannem Elsevirivm, Academ. Typograph. MDCLVII.