4069. 1639 april 16. Aan Willem de Groot1.

Mi frater,

Vidi cum gaudio senatoris Forestii2 mihi olim noti et ob magnum in tenera aetate profectum literarum a me per magno aestimati filium3, cui quicquid a me proficisci poterit expositum erit, tum quia ita fert ingenium meum, ut nulla re

261

Veniet brevi in vestras terras Samuel Petitus4 Nemausensis antehac professor, nunc Franekeranus futurus, vir multarum rerum sciens, in rebus theologicis temperate judicans nostrique amans. Id scire te volui, ut, si forte Hagam venit, noris dignum esse qui noscatur.

Resalutes nostros rogo.

Tibi obligatissimus frater
H. Grotius.

Lutetiae, 16 Aprilis 1639.

Optimo patri5 scribam, ubi uxor ad vos itura est. Eam morantur tum negotia quaedam, tum conditiones appositae diplomati Bruxellensi.