eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    5284. 1641 juli 20. Aan W. de Groot.1

    Frater suavissime,

    Exspectabo post edita nostra ad Evangelia cum accessionibus2 et illa de Iure belli ac pacis3 diligentiam tuam ad edenda caetera, de quibus scripsi antehac,4 deinde consilium super illis ad Philemonem,5 Blanquianis,6 ad Ius Iustinianeum.7

    Non dubito, quin inter pontificios, lutheranos et anabaptistas futuri sint qui longo partium studio fascinati pro miris habituri sunt quae dixi. Nam calvinistas et puritanos quin habiturus sim infestissimos, mi frater, minime mirum: ἐμοὶ δὲ ἐλάχιστόν ἐστιν, ἵνα ὑφ᾿ ὑμῶν ἀνακριθῶ ἢ ὑπὸ ἀνθρωπίνης ἡμέρας.

    Seri carpent mea poma nepotes.8

    Quid si invidiam haec mihi concitent, ut multa antea quae pro patria feci? Deus iudicabit. In eo rogo te consoleris. Mihi cum baronibus et nobilibus Suedis, qui hic sunt, optime convenit. De matris, coniugis tuae liberumque valetudine plurimum gaudeo oroque, ut me in optimo proposito suis precibus adiuvent.

    410

    Airae obsidium trahitur in mensem alterum. Principes Sedanenses capto Doncheriaco obsident Mousonum. XX millia habere dicuntur. In Catalania quinque naves longae Hispanorum mersae, ustae totidem.

    Tibi obligatissimus frater
    H. Grotius.

    Lutetiae, 20 Iulii 1641.

     

    Videtur imminere novum praelium inter regem et principes Sedanenses.
    Notes



    1 - Gedrukt Epist., p. 924 App. no. 556. Antw. op no. 5267; beantw. d. no. 5300.
    2 - Grotius' Annotationes in libros Evangeliorum (BG no. 1135) met de daarachter afgedrukte traktaten Commentatio de Antichristo, Explicatio de fide et operibus, Explicatio Decalogi en Appendix de Antichristo (BG resp. nos. 1102, 1111, 1118 en 1129).
    3 - BG no. 571; de uitgave verscheen bij Blaeu in maart 1642.
    4 - Op 27 april 1641, no. 5159, had Grotius nog eens de volgorde aangeduid, waarin zijn overige werken moesten worden uitgegeven.
    5 - Grotius' Commentatio in Epistolam Pauli apostoli ad Philemonem (BG no. 1136), afgedrukt achterin de uitgave van De iure belli ac pacis van 1642 (BG no. 571).
    6 - Het traktaat over de weduwstaat, geschreven door Suzanna van Reigersberch, weduwe van Anthonie Bloncke; zie ook no. 5218 en n. 11-12.
    7 - Grotius' Florum sparsio Ad Ius Iustinianeum (BG no. 791); het werk verscheen in 1642 bij Pelé te Parijs.
    8 - Vgl. Vergilius, Ecloga 9, 50: carpent tua poma nepotes.