Search
Add panel
[tiler debug info]
Choose a letter
Magnifice et generose domine legate, amice observande,
Duo hi patrueles, qui praesens epistolium Dom.ni tuae exhibent, Ericus et Axelius Sparre2 ex generosa Sparrorum familia oriundi mihique sanguine iuncti, aliquamdiu in Hollandia bonarum litterarum causa commorati. Postquam alias nationes et regna uberioris experientiae causa invisere eaque occasione urbem Parisiorum ingredi instituerunt, illic sine dubio Dom.nem tuam de peregrinationis recte instituendae consilio compellaturi.
Ob eam, qua mihi dicti nobiles iunguntur, necessitudinem intermittere non potui, quin ipsos Dom.ni tuae de meliori nota commendarem. Ideoque, si contigerit, ut memorati nobiles a Dom.ne tua quid consilii aut meliorem itineris sui ductum requisiverint, oranda mihi est Dom.o tua, ut eorum petitioni et industriae hoc quod optaverint tribuere velit ac deferre iuvando ipsos in omnibus exquisito suo consilio, certa vicissim et firmiter credens, quod quicquid operae in promovendos ipsorum conatus Dom.o tua collocare dignata fuerit, id ipsis eorumque parentibus non tantum acceptum fore, verum etiam eos hoc nomine Dom.ni tuae
447
summopere iri obligatum. Et cum ego fretus Dom.nis tuae in gentem nostram solito amore nullatenus dubitem, quin Dom.o tua meae et eorum petitioni id libenter sit datura, certo sibi persuadeat me omnem operam daturum, ut hunc benevolentiae affectum, quem saepe dictis nobilibus Dom.o tua contestata fuerit, data occasione meis vicissim studiis rependere valeam ac demereri.Quibus Dom.nem tuam divinae protectioni commendo.
T. amicissimus
Axelius Oxenstierna mp.
Dabam Stocholmiae, die 30 Iulii a.o 1641.
Adres: Sacrae regiae Maiestatis Sueciae apud christianissimum Galliarum regem legato ordinario, magnifico et generoso domino Hugoni Grotio, amico meo observando.
Bovenaan de brief schreef Grotius: Rec. 27 Oct.
En in dorso: 30 Iulii 1641 cancellarius.
