eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    5726. 1642 mei 24. Aan W. de Groot.1

    Mi frater,

    Exspectabo eruditorum iudicia de Americanis.2 Hic meae coniecturae omnibus probantur. Habes hic mea ad Rivetum,3 quae et Mileterio ostendi ante ἐϰδόσιν et Petavio, viro certe pacis et emendationis amanti et antiquitatis peritissimo.4 Libros de Iure belli ac pacis5 nondum accepi.

    234

    Bassaea ante dies quinque dedita est.6 De Perpiniano res incerta est. Clausi aditus, sed magnae ibi vires Hispanorum et crescunt quotidie. In Anglia hoc tempore rege ab auxiliis externis destituto nulla poterit transactio fieri, nisi per quam parlamenti nova potestas confirmatur et ius quoddam nanciscatur longae possessionis.

    Rex Galliae a febre liber ab haemorrhoidibus laborat. At de cardinali Richeliaco omnia pessima metuuntur. Succus corporis in pus abit. Mens quoque non constat. Motta Odincurtius it obsessum Tortosam. Bassaea Hispanis dedita die huius mensis XIII. Nunc illi Castellum Cameracisii - id oppidi nomen est - obsident. Venturi inde ad Landresiacum. Nam Beckius cum Melone se iunxit habentque ultra XXX millia. His impares sunt Harcurtius et Guichius nec inter se concordes.

    Saluta, quaeso, matrem, uxorem tuam ac liberos et amicos. Petrus ubi Amstelodamum migraverit, fac me certiorem,

    tibi obligatissimus frater,
    H. Grotius.

    Lutetiae, 24 Maii 1642.

     

    Si libelli contra Rivetum exempla non satis cito aut non satis multa ad vos venerint, rectum erit ibi quoque eum libellum edi.7 Privatas chartas edi plane opus est quamprimum.8
    Notes



    1 - Gedrukt Epist., p. 936 App. no. 601. Antw. op no. 5716, beantw. d. no. 5736.
    2 - Op 12 mei dankte Willem de Groot zijn broer voor de toezending van de Parijse editie van De origine gentium Americanarum dissertatio (BG no. 725).
    3 - De Animadversiones in animadversiones Andreae Riveti (BG no. 1175).
    4 - Het manuscript had Grotius ter beoordeling aangeboden aan Théophile Brachet de La Milletière en Denis Petau S.J.
    5 - BG no. 571; een week later ontving Grotius eindelijk de toegezegde presentexemplaren.
    6 - Deze berichten komen ook voor in Grotius' nieuwsbrieven van 24 mei.
    7 - Spoedig verscheen in de Republiek een herdruk van de Animadversiones (BG no. 1176).
    8 - Steeds sterker voelde Grotius de noodzaak van een spoedig verschijnen van zijn Autentycque stucken, raeckende de saecke van den heer Hugo de Groot ... (BG no. 889).