6594. 1643 december 12. Van C. de Groot.1

Monsieur,

Pendant que les princes d'Italie parlent de paix,2 le grand-duc par son ambassadeur en cette ville,3 et celuy de Modene estant icy present luy-mesme par ses propres conferences, comme ces esprits sont grandement tardifs dans leurs deliberations, les propositions pour la guerre, entre lesquelles sont ceux des officiers qui leur offrent leurs services, sont receus un peu plus froidement qu'auparavant. Neantmoins cela n'empesche pas que je n'aye esté sur le point de conclurre pour la levée d'un regiment d'infanterie, qu'ils m'avoient proposé de faire en France4 et ammener à Livorno, moyennant la somme de vingt et cinq ducats par teste, ce qui a esté renversé par des officiers françois, lesquels offrent de faire laditte levée pour quinze ducats. Je ne laisse pas tousjours de faire ce que je puis pour reussir et espere que bientost j'auray quelque charge honorable. Il me fasche que le temps et quelques despens ont esté mis à ne faire que proposer. S'il plaist à Dieu, les fruicts en seront tels qu'ils feront oublier ces fascheries. Monsieur le baron de Degen-

770

La mauvaise novelle de la surprise et deffaicte de l'armée de monsieur de Guebriant me met en grande peine, d'autant que l'on tient icy la mort de son chef pour asseurée et que je n'apprends point de particularités de mon frere.6 J'espere qu'il aura sauvé son honneur et sa vie. Si venant à m'attacher icy je luy pouvois servir par deça, j'en serois bien aise, d'autant que je vois qu'une grande partie des officiers de l'armée battue y font demander de l'employ. Il ne se dit rien de nouveau icy, l'hyver commençant à mettre les trouppes de costé et d'autre en repos.

Je demeure, monsieur,

vostre tres humble et tres obeissant fils,
C. de Groot.

A Venise, ce 12 Decembre 1643.

Bovenaan de brief schreef Grotius: Rec. 30 Dec.