77

3958. 1639 februari 5. Aan Willem de Groot1.

Mi frater,

Bene pervenerunt ad nos literae, quas 24 Ianuarii ad nos dedisti2.

De filiis nostris3 tua vota rata faxit Deus.

Magni hic paratus fiunt ad bellum terra marique in Belgas et Hispanos.

Dolet mihi de Cunaei4 et Sorgii5 obitu. Utrique obstrictus amicitia vetere velim quod ipsis debui liberis eorum6 posse persolvere.

Advocatio illa maritima apud te quam apud alium collocaretur melius: et habeo non pauca, quae, si id eveniat, tibi usui esse possint.

Heinsius7 de Borusso8 quod dixit verum est. Tulerat is ad me ipsius literas9. Meus autem mos est, ut ad literas mere συστατιϰὰς non respondeam, nisi per eum, qui illas attulit. Illius ad Novum Testamentum Notae10 et Salmasiana11, quae praelum fatigant, et Vossiana12, quando publici juris futura sint, fac sciam, siquid aut nosti aut conjectas.

D. Camerarium13 a Suedica legatione abiturum non puto. Meretur et eruditio ejus et quam habet rerum peritia et probitas et dignitas literatissimae familiae et judicium regis Gustavi14, ut ita habeatur.

Siquid apud vos dignum lectu scribitur, fac, quaeso, norim.

Vale, mi frater, cum parentibus16 optimis.

Tibi obligatissimus frater
H. Grotius.

5 Februarii 1639.