eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    3945. 1639 januari 24. Van Willem de Groot1.

    Frater optime,

    Litteras et tuas et uxoris XV hujus mensis scriptas2 recte accepimus.

    Filios3, qui in castris Vinariensibus sunt, bene valere et a duce4 aestimari jucundum fuit intelligere; majorem natu posthac melius tibi dicto audientem fore speramus.

    Fiunt et hic bellici paratus, qui utinam melius succedant quam anno praeterito, nisi nos interea, quod malim, pax intervisat.

    Obiit ex amicis nuper Cunaeus5, de quo filius6 jam ante te monuit; nunc vero etiam Sorgius7 repentina morte a catharro extinctus: in altero academia,

    54

    in altero forum maximam fecit jacturam. Habebat Cunaeus stipendium quingentorum florenorum pro advocatione maritima; nunc ut ei succedat, operam dat Graswinkelius8, assertor quippe maris liberi9, sed multis id commentum non placet.

    Narravit nuper Heinsius10 obiisse Borussum11, qui suas ad te litteras detulit, quare alius tibi erit quaerendus, per quem respondeas. Ejus notae in novum testamentum cum Aristarcho12 in magnam molem excrescunt et jam ad NNNNN pervenerunt.

    Salmasius13 in secunda de Usuris14 parte promittit se quamplurimos ejus errores demonstraturum.

    Plerique hic arbitrantur successurum D.o Camerario15 in legatione Spiringium16, certe gener Camerarii Ultrajectum commigrat neque ipse hic domum reconduxit. Sed tu haec aliunde melius intelliges.

    Deus Optimus Maximus te nobis, ecclesiae, patriae, diu servet incolumem. Salutant te parentes17, uxor18 aliique amici.

    Vale.

    Tibi obsequentissimus frater
    Guilielmus Grotius.

    Hagae, XXIV Ianuarii 1639.

    Adres: A Monsieur Monsieur Grotius, Ambassadeur de la Reine et Couronne de Suède, A Paris.

    Boven aan de brief schreef Grotius: Rec. 4 Febr.

    En in dorso: 24 Ian. 1639. W. de Groot.
    Notes



    1 - Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr. Antw. op no. 3928; beantw. d. no. 3958.
    2 - No. 3928.
    3 - Cornelis en Diederik.
    4 - Bernhard, hertog van Saksen-Weimar.
    5 - Petrus Cunaeus ((1586-1638), in leven hoogleraar te Leiden.
    6 - Johannes Cunaeus.
    7 - Nicolaes van Sorgen; zie hierboven n. 2.
    8 - Dirck Graswinckel.
    9 - Over Graswinckel's weerlegging van het Mare Clausum van John Selden zie men o.a. dl. VII, p. 143 n. 2.
    10 - Daniel Heinsius.
    11 - Henricus van Bommel.
    12 - Danielis Heinsii Sacrarvm Exercitationvm ad Novvm Testamentvm Libri XX. In quibus Contextus Sacer illustratur, SS. Patrum aliorumque sententiae examinantur, Interpretationes denique antiquæ aliæque ad eum expenduntur. Qvibus Aristarchvs Sacer, emendatior nec paulo auctior, Indicesque aliquot vberrimi accedunt. Lvgdvni Batavorvm, Ex Officinâ. Elseviriorum MDCXXXIX.
    13 - De Franse klassiek-filoloog Claude de Saumaise, hoogleraar te Leiden.
    14 - De Vsvris Liber, Clavdio Salmasio auctore. Lvgd. Batavor. Ex Officina Elseviriorum. MDCXXXVIII.
    15 - Ludwig Camerarius, ordinarius Zweeds gezant in Den Haag († 1651).
    16 - Petter Spiring Silvercrona, Zweeds agent en raad van financiën.
    17 - Jan de Groot en Aeltgen Borre van Overschie.
    18 - Alida Graswinckel.