140

3999. 1639 maart 3. Van Willem de Groot1.

Frater optime,

Ego ut nemini ad te proficiscenti operam meam unquam negavi, ita semper maximi feci eos, qui vel ex nostra vel parentum2 amicitia majorem merentur familiaritatem.

Inter eos est hic, qui nunc ad vos abit Brilii ex Berestenia filius3, quem pater rogavit tibi commendari. Nosti familiam, mores videbis; neque dubito, quin apud te eo loco futurus sit, quo alii populares saepe etiam minus digni semper fuerunt.

Frustra sum, si nova quaepiam velim attexere; neque enim mihi constat, quando hae litterae ad manus tuas perventurae sint propter aeris marisque inconstantiam.

Hoc tantum dicam abiisse hinc Heenvlietium4 cum secretis principis5 mandatis, Britanniamne an Galliam petierit, incertum; ego de Gallia censeo.

Vale frater optime, cum uxore et liberis6 et a me, mea7 meisque8 salve.

Tibi obsequentissimus frater
Guilielmus Grotius.

Hagae, III Martii 1639.

Adres: A Monsieur Monsieur Grotius, Ambassadeur de la Reine et couronne de Suède prez le Roy Très chrestien A Paris.

In dorso schreef Grotius: Rec. 18 Febr. 1639 W. de Groot.

En boven aan de brief: Rec. 18 Febr. (sic) 1639.