4000. 1639 maart 3. Van I. Jasky1.

Illustrissime et excellentissime domine, domine observandissime,

Quemadmodum magnae est felicitatis viris principibus iisque, qui alios eruditione, virtutibus praecellunt, innotescere, ita maioris eorum gratia et benevolentia frui.

Quamobrem mihi summopere gratulor, contigisse mihi de favore Excellentiae Vestrae multis argumentis comprobato, gloriari.

In partem huius gloriae cum praesentium exhibitorem nobilem dominum Cölmerum2, cognatum meum, assumere desiderem, eidem aditum ad humanitatem et benevolentiam Excellentiae vestrae his paucis verbis sternere volui.

141

Perspectissima et toti orbi notissima Excellentiae vestrae humanitas me sperare facit Excellentiam vestram audaciam hanc meam in optimam partem interpretaturam et dictum dominum Cölmerum benevolo affectu suo complexuram.

Innumeris in me collatis beneficiis, si hoc Excellentia vestra addiderit, aeternum me sibi obstringet et ad quaevis officia paratissimum omni occasione habebit.

Praedictus autem dominus Cölmerus sedulam operam dabit, ne indignus gratia Excellentiae vestrae censeri possit.

Sic ambo Excellentiam vestram perpetuo venerabimur, colemus, imprimis ego summo honori ducam in numero haberi

Excellentiae Vestrae humillimorum clientium
Jasky mpp.

Dantisci, 3 Martii A.o 1639.

Boven aan de brief schreef Grotius: Rec. 12 Aprilis.