4414. 1639 december 3. Aan A. Oxenstierna1.

Excellentissime atque illustrissime domine,

Non solo Gallorum consilio, sed ex consensu hostium quoque restituta commercia inde apparent, quod eodem tempore per Hispaniam Belgicamque paria

785

De Salza certe mirum, quod nunc dicitur, teneri adhuc a Gallis eam urbem, nisi arcanae pactionis aliquid intervenerit.

De comite Harcurtio3 nihil habemus, nisi ex oppido Quires, in quo hostes eum circumsederant, viam sibi quaesiisse proelio, cujus adhuc exitus ignoratur. At dux Longavillanus4 ad Glenii5 adventum retro cessit amissis commeatibus bellique instrumento, quod navibus vehebatur. Ita Germeshemum et Neustadium et siqua minora ibi capta erant redient ad hostes. Ipse Longavillanus circa Metim hiberna quaerere dicitur nec abest metus, ne qui cum eo sunt Vinarienses aut diffluant aut Gallorum se numeris addant, pedites maxime, quorum res tenues sunt; equitum lautior fortuna, qui nuper partim sub Rosa6 partim sub Nassavio7 centenos hostium aliquot ceciderunt.

De Turcarum irruptione in Hungariam sermones hic sunt, sed parum fidis auctoribus.

De Koningsmarckio8 nihil scribo, quando is nunc in Westphalia non longe a Batavis esse dicitur.

Audio cum dolore non tam firmam esse quam vellemus quamque publico expedit Sublimitatis tuae valetudinem. Eam ut restituat, excellentissime et illustrissime domine, Deum immortalem precor simulque, ut regni res prosperet.

Tuae Sublimitatis cultor devotissimus
H. Grotius.

Lutetiae, 3 Decembris ex novo Calendario 1639.

Exspecto duo glossaria Gothica perveteri manu9. Ea si accepero simulque privatis curis, quibus premor hactenus, per Sublimitatem tuam liberer, spero nobilissimae gentis antiquitatibus non parum a me lucis accessurum10.

Harcurtium aiunt caesis hostium ter mille non multis suorum amissis a fame imminente se liberasse et pervenisse Carignanum, ubi necdum satis in tuto est; et de ipso proelii eventu sermones sunt ambigui.

Seditiosorum numerus in inferiore Normannia crescit ad XX, ut dicitur, millia, duce presbytero11.

Scotorum delegati barones duo12 ad regem13 infensum actis eorum parlamentariis regiae potestati directe adversantibus admissi non sunt jussique ab aula

786

Adres: Axelio Oxenstiernae, Sacrae Reg. Maj. Regnorumque Sueciae Senatori et Cancellario.