5979. 1642 november 29. Aan J. de Wicquefort.1

La victoire obtenue par le mareschal Torstenson est grande,2 mais aussy elle nous couste la perte de braves chefs. J'attendray la suitte pour informer le roy plus amplement, qui desja s'est fort resjouy des premieres novelles, ne se portant pas bien autrement et subject à des foiblesses. On croit que le duc de Bavieres envoyera bientost icy pour destourner l'orage de ses pais. Quelques troupes d'icy comme de leur propre movement vont trouver le roy d'Angleterre.

Il ne fault pas doubter que le roy de Denemarque et de Poulogne ne facent tout ce qu'ils

547

Le roy icy a licentié4 cinq principaux officiers de ses gardes qui estoient suspects au cardinal. Et le cardinal quand le roy le va veoir, retient chez luy partout ses propres gardes, la coustume cy-devant ayant esté que le roy partout où il entre, met ses propres gardes. Toutes les guardes au frere du roy sont ostées comme aussy la tutele de sa fille et tout son revenu excepté cent mille escus par an, de quoy il vivra seul à Chambourg. Le duc de Bouillion a eu commendement de se retirer de Russy en Tureine.

Le duc Charles est à Worms. On nous dit que Leganes est contrainct de se retirer au-dedans de l'Espagne à cause des remuemens qu'on y crainct. On seme aussy des bruicts icy des revoltes aux Indes Occidentales. Les François ayant receu un grand convoy et bat[t]u quelques Espagnols qui le vouloient empescher esperent de prendre le chasteau de Tortone par mine et baterie. Le duc de Parme avoit esté persuadé par ses amis de retirer son armée des terres de l'Estat ecclesiastique soubs apparence de quelque accommodemant, mais astheure5 on dit que l'esperance s'en recule par la dureté des cardinaux Barbarins en cette affaire. Cependant, au royaume de Naples on ramasse deux millions d'or pour la guerre de l'année qui vient et en Sicile 400 mille escus et 3000 à pied.

Je demeure, monsieur,

vostre tres humble serviteur.

Le 29 de Novembre.

La fin d'Octobre les François en Catalogne ont pris 300 charettes, 200 mulets chargés de vivres et aultres choses ayant dissipé ou pris les soldats qui l'escortoient. Monsieur le comte de Chavigny après quelque disgrace et absence est revenu à Saint-Germain. Le gouverneur de Hohentwiel a en campagne mille deux cent hommes de ses gens et de ceux que monsieur d'Erlach et d'Ossonville luy ont donnés. Mercy est à Rotenburg sur le Tauber, où il attend le baron de Waert.

Bovenaan de copie staat: M. Vicquefort.