7171. 1644 december 3. Aan Christina van Zweden.1

Serenissima ac potentissima regina, domina clementissima,

Vidi exacto Iovis die reginam Angliae.2 Ipsa facies ostendebat valere eam paulo melius. Allocutus eam sum de morte reginae Hispaniae, quam ostendit sibi dolere, sed et hoc et alia se ferre ut a Deo iniuncta. Voluit autem se commendari augustae Maiestati tuae, qua in re reginae bonae et hactenus infelicis postulatis deesse nolui.

Deus, serenissima ac potentissima regina, domina clementissima, Maiestatem tuam servet felicem atque victricem,

augustae Maiestatis tuae obedientissimus subditus,
H. Grotius.

Lutetiae, XXIV Novembris/III Decembris 1644.

Bovenaan de brief in de eerste copie te Leipzig: Argumentum. Acta cum regina Angliae.