Letter

1078. 1626 juni 5. Aan Willem de Groot1.

Peperit haec aula, mi frater, mutationem, cujus diu plena fuit. Cancellarius2 non tantum sigillis orbatus est, sed et in villam ablegatus. Locum ejus, sine nominis dignitate, habet Marillacus3, aerarii antehac praefectus, homo eccle-

siasticis deditissimus. In ejus locum quis surrogandus sit dubitatur: alii Defiatum4, Espessii5 affinem destinant, alii fratrem Marillaci, alii Sulliacum6, qui olim eo munere majori cum honore quam cum gratia fruitus est. Sed Sulliaco religio obstat et nimius rigor invisus potentibus. Summa quoque duo munera in una domo locari non ex re videtur. Defiatus in flagrante est gratia apud Riceliacum, qui nunc omnia potest. Alii futurum augurantur, ut triumvirati collegio regatur aerarium, quod et antehac factum.

Princeps Condaeus7 cardinalem8 vidit: quorsum et quo exitu incertum. Sed apparet nondum eum aut Parisios venire aut aulam sequi. Rex it Blesam et quo ultra nescitur. Alii Pousinum iturum putant, quod oppidum mira audacia in regem rebellat, alii Rupellam. Blesam venit aut certe advocatur Vendocinensis9, ut aliqua permutatione facta abducatur a praefectura Armorica. Provinciam enim hanc maritimam plane suae potestatis esse volunt qui nunc imperant magna mari molientes.

Haec hic agebantur. A vobis nuntium de bello accenso accipere multi hic avent. Pax cum Hispano constat. Dimittuntur copiae in Rhaetis. It Venetias Castellinovius10, Preaux dictus antehac, Alterivii frater.

Rogo me optimis parentibus et amicis commendes.

Lutetiae 5 Iunii 1626.

Tui amantissimus frater
H. Grotius.

Navigation

Notes

1 - Gedrukt Epist., p. 791.

2 - Et. d'Aligre.

3 - Michel de Marillac; zie no. 1061. De maarschalk van die naam, Louis de Marillac (1573-1632), was zijn broer; afgezet en beiden gevangen genomen in 1630 onder beschuldiging de koninginnen te hebben opgezet tegen De Richelieu eindigden zij in 1632 hun leven, Louis op het schavot, Michel in de gevangenis.

4 - Zie no. 1061, p. 29 n. 10.

5 - Zie II, p. 334 n. 3.

6 - Maximilien de Béthune, duc de Sully (1559-1641), beroemd Frans staatsman, protestant, trouw dienaar van Hendrik IV, na wiens dood in 1610 hij praktisch geen rol van betekenis meer speelde. De aanvoerder der hugenoten, de hertog van Rohan, was zijn schoonzoon.

7 - Zie no. 1070, p. 44 n. 8.

8 - De Richelieu.

9 - César, hertog van Vendôme, en zijn broer Alexander, grand-prieur de France, werden op last van De Richelieu gevangen genomen en naar het kasteel van Amboise gevoerd.

10 - Charles de l'Aubespine, marquis de Châteauneuf, abbé de Préaux, broer van de Franse kolonel in Staatse dienst François, marquis d'Hauterive; zie II, p. 104 n. 1.

1078. 1626 juni 5. Aan Willem de Groot1.

Searchform

Fulltext search

Metadata search

Search domain