1318. 1628 september 30. Aan Willem de Groot1.

Per Santenium2 tuas, mi frater, accepi et gratias habeo pro hydra lignigena; etiam pro Pedonis libro3, cui non est ut Tilenus4 respondeat, nisi forte aliquid ad dedicatoriam. Mairium5 exspectabimus et cum eo quae sciri opus. De Mylio6 nescio, quid exspectare debeam tam diu dilatus. De tua quoque re incertus sum conjecturae, sed ut tempora nobis iniqua sunt, propendeo in partem deteriorem, praesertim tanto adhuc ministrorum regno. Utinam fallar. Si quid ad Bergam ad Zomam fit aliud, etiam de eo doceri expeto.

De Rupella quid dicam, cum non ego tantum et populus, sed ipsa regina mater7 in menses imo prope in dies deditionem exspectaverit. Dicitur tamen nunc fames urgere adeo, ut non pauci poena capitis imposita, siquis exeat, eam sustinere malint quam ad famem reverti. Mater Rohaniorum8, quae in urbe est, liberis sollicita clementiam regis respicere respuit. Cras in urbe obsessa Coena et preces extraordinariae. Perendie colloquia renovantur, bonane fide, an ut tempus trahatur in spem auxilii, quod exspectant, res docebit. Lugduni plebs concitata fuit in protestantes falso rumore, quasi ab ipsis sparsa esset pestilentia nec res abiit sine innocentium caede, quae partim seditione, partim festinatis et prope extortis judiciis peracta est. Si Rupella paciscitur, promisit cardinalis9 primam fore curam patriae Virgilii10, quod sane ego velim vel ob tam egregii civis memo-

386

Vale, mi frater, cum optimis parentibus, tua12, tuis, nostris. Nos omnes valemus.

Prid. cal. Octobris XVIcXXVIII.

Ad tuas, quas X Septembris dederas, responsum te accepisse arbitror.

Tuus tibi obligatissimus frater
H. Grotius.