1674. 1631 september 9. Aan Willem de Groot1.

Scribo, mi frater, has literas iturus ad Fontem Bellaqueum, ubi nunc est rex et aula.

Adrichemius2 apud nos pransus est; suasimus et si qua verbis ipsius fides persuasimus, ut eat Basileam intra hoc triduum.

Rogo te quantum possum omnem impendas operam, ut confiat negotium, quod uxor affectum reliquit de chartis, quas abstulit nobis Duvenvordius3 et quae nobis, postquam confiscationem contudimus, haud dubie debentur.

Errata in Phaenissis4 praeter transmissa antehac etiam haec reperi:

In Prolegomenis

Pag. quae in reprehensionem lin. 19. ostendit, passim: ostendit passim;

437

p. 104 lin. 24. arma: arva

p. 111 lin. antip. incendens: incedens

p. 112 lin. 25. Antigone: Antigonen.

Quod de Bylivervio5 interpellando scripsi nuper ita scito id me facere, ideo quod ipse hoc officii ultro uxori obtulerit. Alioqui nemini velim esse molestus.

9 Septembris 1631.

Tuus tibi obligatissimus frater
H. Grotius.