eLaborate
::: eLaborate options :::
    Show pagebreaks
    Show variations
    Letter



    2715. 1636 augustus 18. Aan L. Camerarius1.

    Illustrissime Domine,

    Haec aula noxis mutuis in Austriacos magis magisque accenditur, et cum nuper Picardiam invaderet Hispanus cardinalis2, in edicto posuit3 id se etiam caesaris4 mandato facere.

    Sed mirum quam in aulae romanae gratiam consilia hic versentur non levi, ni fallor, periculo Galliae et regentis cuncta cardinalis5. Iam nunc archiepiscopus

    330

    Parisiensis6 publice in ecclesiis moneri homines jussit, ut a familiari convictu ac colloquio protestantium abstinerent, cum mutuum inter diversa sentientes commercium amicitiamque edicta imperent. Et tamen optime duces, Rohanius7, Lafortius8, Castilionaeus9 ex illis sunt et civitates, in quibus eorum numerus praevalet, ut Montalbanum, magno studio militeque ac pecunia rem communem juvant.

    Remisit jam eo usque, quae in hac urbe fuit, trepidatio, ut imminutae alibi sint excubiae, alibi et negligantur: nimirum quod hostes omisso, ut videtur, Esia, qui inter Samaram Sequanamque medius fluit, Samarae adsita ac proinde Belgico fini propiora adoriantur, quanquam, quid10 nunc agant, quoniam Corbia ipsis nimis facile per ignaviam praefecti11 obtigit, dubitatur. Interim bene est, quod regi12 tempus datum est exciendi civitatum terrarumque vires, ita ut propediem LX millia ad finem Picardicum habiturus credatur, eisque bipartitis altero exercitu praelium ausurus, altero interiora obtecturus.

    At in Burgundia, postquam a Dolae obsidione abitum est, trepidari a Gallis incipit, quod occupato Viroduno ad Ararim cum equitum ferme IV millibus illuc irruperit dux Carolus13. Cardinalem Valettam14 et ducem Bernhardum15 alimenti inopia coegit Alsatia digredi et in Lotharingiam se ad Fenestrangium referre, quorum abitu securior Galassius16, postquam Drusenhemum bene permunierat, ad Rhenum concessit17 incertum, utram in ripam bellum portaturus.

    Classes regiae, tum quae ab Oceano venerat, tum quae in ora Massiliensi, quo illa nunc venit, antehac fuerat, nihildum agunt, nisi quod Italis ad omnes rumores paventibus incutiunt metum.

    Deum rogo, Illustrissime Domine, ut tibi tuisque adsit.

    T. Illustr. Dom. omni observantia addictissimus
    H. Grotius.

    XVIII Aug. MDCXXXVI n.c. Lutetiae.

    Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

    In de copie te Uppsala is nog toegevoegd: Huic et duab. seq. [nos. 2719 en 2755] aliena manu scriptis Grotius ipse sua manu subscripserat.

    Boven aan de brief in de copie te Uppsala in margine: Redd. Hagae Com. A.o 1636 1 Octob. st. n.
    Notes



    1 - Copie Uppsala, UB., cod. 388a, ep. 47. Gedrukt Epist., p. 256. Ludwig Camerarius was ordinarius Zweeds ambassadeur in Den Haag.
    2 - Don Fernando; zie over hem IV, p. 412 n. 11.
    3 - Gedagtekend A Bruxelles, le 5e Iuillet; zie Catalogus van de Tractaten, Pamfletten, enz. over de geschiedenis van Nederland, aanwezig in de Bibliotheek van Isaac Meulman. Bewerkt door J.K. van der Wulp, litt. doct. Eerste deel 1500-1648. Niet in den handel. Gedrukt te Amsterdam, bij de Erven H. van Munster & Zoon, p. 341 no. 2349. Zie voor de inhoud Theatr. Europ., p. 593; zie ook Merc. Franç. XXI, p. 210.
    4 - Ferdinand II.
    5 - De Richelieu.
    6 - Joannes Franciscus Paulus de Gondi, kardinaal de Retz; zie III, p. 456 n. 2. Hij was van 1622 tot zijn dood op 21 maart 1654 aartsbisschop van Parijs.
    7 - Henri, hertog van Rohan, luitenant-generaal van de Franse legers in Graubünden en de Veltlin.
    8 - Jacques Nompar de Caumont, markies van La Force; vgl. over hem no. 2713, p. 327.
    9 - Gaspard de Coligny, graaf van Châtillon.
    10 - De copie te Uppsala heeft: quicquid quod.
    11 - De capitulatie van La Corbie werd getekend door Maximilien de Belleforière († 1649), seigneur d'Ittre et de Soyecourt, graaf van Tilloloi, luitenant-generaal van Picardië; de gouverneur was René, markies van Mailly, seigneur de Remaugies, Monthulin etc. (1610-1695).
    12 - Lodewijk XIII van Frankrijk.
    13 - Karel IV, hertog van Lotharingen.
    14 - Louis de Nogaret d'Epernon de La Valette.
    15 - Bernhard, hertog van Saksen-Weimar.
    16 - Matthias, graaf Gallas, generaal-majoor in dienst van Ferdinand II.
    17 - De copie te Uppsala heeft: concessisset.
    Search



    Searchform

    Fulltext search

    correspondent

    Search domain

    Search site
    Search current document

    [text]
    [text]
    [text]