eLaborate
::: eLaborate options :::
    Show pagebreaks
    Show variations
    Letter



    2770. 1636 september 22. Aan E. Sprecher1.

    Nobilissime Domine,

    Literae Tuae, quas scriptas IX/XIX2 cum Peblitzii3 literis accepi, ita gratae mihi fuerunt, ita plenae fidei optimique affectus in res et communes et Suedicas, ut eas ipsas cum testimonio, quod virtutibus tuis debeo, magno cancellario4 transmiserim.

    Insidias fieri nostrum utriusque literis et tu recte mones et ego pridem sensi. D. Marini5 literae bene ad me perveniunt, tuae non item. Causam attigisti. Quaeramus, quam poterimus tutissimas, curandi vias, et si tamen eae fallunt, cogitationum optimarum conscientia freti spernamus incerta casuum.

    Res vestrae Rhaeticae eo iverunt, quo ituras semper judicavi. Det Deus, ne in peius ruant.

    Ex Germania habemus satis prospera, ex quo Leslaeus6 se cum Bannerio7 iunxit: captum a nostris Luneburgum oppidum et arx Winzemum munita satis ad quartam ab Hamburgo leucam; Maracinus8 relicta castrorum sede retro coactus cedere Saxoniam versus.

    Burgundiam contra regis Hungariae9 Gallassiique10 copias defendunt egregia manu princeps Condaeus11, cardinalis Valetta12 et dux Vinariensis13; Picardiam et propiora tripartito exercitu rex14, frater ejus15, et qui Royam recepit comes Suessionensis16. Autumnales morbi, deinde hyemis incommoda infestos dirimunt.

    405

    Interim Coloniam Agrippinensem petere pacis cudendae causa dicuntur Ginettius17 a pontifice18, pro Gallia Riceliaci frater, Lugdunensis cardinalis19; sed lentis passibus, tanquam si Iunonis20 sacra ferrent.

    Vale et nos, quoties poteris, non tantum rerum, quae geruntur, sed et conjectationum tuarum fac participes.

    Tuus toto animo
    H. Grotius.

    Lutetiae, XXII Septembris MDCXXXVI Novi Cal.
    Notes



    1 - Copie Den Haag, ARA. Eerste afd. coll. Hugo de Gr. Aanw. 1911 XXIII no. 2, p. 76. Gedrukt Epist., p. 266. Over geadresseerde, Fortunatus Sprecher von Bernegg, zie IV, p. 138 n. 9.
    2 - Ontbreekt.
    3 - G.J. Peblicz, aan wie brief no 2768 is gericht; zijn schrijven aan Grotius ontbreekt.
    4 - De Zweedse rijkskanselier Axel Oxenstierna.
    5 - Charles Marin of Marini, met wie Grotius een drukke correspondentie onderhield; zie over hem V, p. 436 n. 4.
    6 - Alexander Leslie; zie over hem V, p. 420 n. 2.
    7 - De Zweedse maarschalk Johan Gustavsson Banér.
    8 - Rudolf Marazini, veldmaarschalk in dienst van keizer Ferdinand II.
    9 - Ferdinand, zoon van Ferdinand II.
    10 - Matthias, graaf Gallas, generaal-majoor in dienst van de keizer.
    11 - Henri de Bourbon, prins van Condé.
    12 - Louis de Nogaret d'Epernon de La Valette.
    13 - Bernhard, hertog van Saksen-Weimar.
    14 - Lodewijk XIII van Frankrijk.
    15 - Gaston Jean-Baptiste de France, hertog van Orléans.
    16 - Louis de Bourbon, graaf van Soissons.
    17 - Martio, kardinaal Ginetti.
    18 - Urbanus VIII.
    19 - Alphonse Louis du Plessis de Richelieu, bisschop van Lyon; zie verder over hem IV, p. 135 n. 15.
    20 - De uitgave der Epist. heeft ‘Iunoni’.
    Search



    Searchform

    Fulltext search

    correspondent

    Search domain

    Search site
    Search current document

    [text]
    [text]
    [text]