302

3083. 1637 mei 19. Aan F. Lindenbrog1.

Nuper Maurerium2, qui sponte D. Davausium3, regis Francorum4 legatum, comitabatur, in notitiam tuam introduxi, vir doctissime. Nunc idem officium D. Stellae5 negare non potui, multae eruditionis viro, aulae hujus potentibus caro quique regis mandato it, ut ejus, quem dixi legati labores sublevet peritia sermonis rerumque Germanicarum, quam aliquot scriptis ostendit. Ego qui norim, quam tua comitas omnibus pateat, eam ut imiter, non vereor viros literatos, qualis hic est, interdum et literarum amantes tibi excolendos tradere.

Vale, vir clarissime.

19. Maii Anni 1637.

Tuus
Hugo Grotius.

Onder aan links: Clarissimo Eruditissimoque Viro D. Friderico Lindenbrogio Hamburgum.