3277. 1637 september 29. Van Willem de Groot1.

Frater optime,

Qui has feret litteras, Stratenus Goesanus2, juvenis minime malus est et mihi hic Hagae in curia saepius visus patrem habens, qui adsessorem collegii thalassici in Selandia egit. Ei ad te commendatitias petenti negare nolui, praesertim cum commode mihi se offeret ad perferendum illud folium, quod vir optimus Cordesius3 in Atlante suo4 desiderat: cui quaeso me officiose commendes et operam meam offeras siqua in re ipsi possit esse usui.

Borussum juvenem5 cum paternis, meis et Heinsianis litteris6 ad te jam pervenisse spero; aveo intelligere, quomodo commercium litterarium ille restauraverit.

609

Ego ante paucos dies tibi scripsi7 neque praeterea quicquam scriptu dignum occurrit, quare finem faciam, Deum Optimum Maximum ex animo venerans, ut te diu ecclesiae reique publicae, tuis, nobis server incolumem.

Tibi obsequentissimus frater
Guilielmus Grotius.

Raptim. Hagae, XXIX Sept. 1637.

Boven aan de brief schreef Grotius: 3 Dec. 1637.