3314. 1637 oktober 24. Aan J.A. Salvius1.

Excellentissime Domine,

Puto aliquas ad me literas esse in itinere. Post illas enim Excellentiae Vestrae datas 12/22 Septembris2 accepi ab illis partibus nullas, quo fit, ut de multis nostrorum rebus, quae rumoribus circumferuntur, interrogatus nihil habeam quod respondeam.

Haga ad me scribitur negotium illud Gallo-Britannici federis3 praeparatum iri Hamburgi, summam autem manum accepturum Hagae. De eo, quid sit, et de Wismariensi federe4 scire me non erit publico inutile.

674

Vale, Excellentissime Domine.

Scribebam Lutetiae, 14/24 Octob. 1637.

Excellentiae Vestrae addictissimus ejusque observantissimus semper
H. Grotius.