Clarissime Domine Heinsi.
Quod mihi discedens mandaveras promtissime exsecutus sum, ut sane debui tantis iamdudum beneficiis, et recens tam illustri munere obligatus. Affirmat Hogerbetius locutum se de tua re Seystio, eumque id in se recepisse quasi haud dubie confecturum. Caeterum metuo, ne ille domestica calamitate impeditus comitiis Curatoriis non intersit. Ita in solo Duyckio2 spes esset: nisi quod et Neostadius tum ab Hogerbetio, tum a me - si quid hoc tamen est - serio admonitus videtur in re tua inchoaturus eam authoritatem quae eius collegii Principem docet. Aeque tecum eventum desidero. Valere te opto, precor vobis omnibus fausta omnia, et Academiae egregium rectorem. τὰ γὰρ ἄλλα αὐτῆς ϰαχεϰτεῖ. IV. Febr.
Tuus tibi addictissimus
Hugo Grotius.
Adres: Erntfeste wijse zeer gheleerde Daniel de Heins Professeur inde Universiteyt tot Leyden. Inde huysinghe van Raphelengh. Loont den Bode.