eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    78. 1606 Sept. 8. Aan Joh. Meursius1.

    Ioanni Meursio Hugo Grotius S.P.

    Binas iam a te accepi literas, amicissime Meursi, bino mihi nomine suavissimas, nam et indicia ea habeo memoriae mei, et felicis status rerum vestrarum. Prioribus

    67

    iamdudum respondissem, sed aliquamdiu me morbus, deinde morbi levandi causa suscepta peregrinatiuncula, detinuit. Nunc ad me et Musas redii: quas quidem tibi faventes video; ut quae te ab ipso delitiarum regno suas ad sedes repulerint2: ubi tam foecunda optimorum copia, et quod libris praestantius, hominum literatorum opima seges: ubi optimus Freherus, ubi Gruterus noster3: et illi privatim mihi cogniti, Lingelshemius, Garnandique pater et filius4; quibus me omnibus commendari ita velim si id grave tibi futurum non est. Etiam discipulis, si videtur, tuis, de quibus magnam proficientis ingenii spem parentes ex literis concepere. Ego nunc ludo in Epithalamio Principis Arausionensium5: quod ubi editum fuerit, tibi transmittam. tantilla sunt, quae exspectari a nobis possunt.

    Reddere victimas Aedemque votivam memento; Nos humilem feriemus agnam6.

    Glossarium tuum7 molliter apud me cubat. pro quo te sollicitum esse non miror. amas enim et merito. sed memineris non tantum parentibus liberos, sed et tutoribus pupillos cordi curaeque esse. Sis igitur ea fiducia securus. meorum quidem nihil est quod tam anxie custodiam. Vale quam iucundissime, et nostri amorem semper tuere. VI. Eid. Sept. CIƆIƆCVI. Hagae Comit.

    Adres: A Monsr. Monsr. Meursius A Heidelbergh.
    Notes



    1 - Hs. U.B. Leipzig, cod. 0335 f. 213. Gedrukt Meursii Opera XI p. 148.
    2 - Meursius was met zijn leerlingen, de twee zoons van Oldenbarnevelt, thans in Heidelberg, waar zij 29 Aug. 1606 ingeschreven zijn. Zie p. 58 n. 9.
    3 - Marq. Freher en Janus Gruter.
    4 - Zie p. 35 n. 2; en p. 47 n. 6.
    5 - Het Epithalamium Philippi Guilielmi Nassavii, Principis Arausionensium, et Helionorae Borboniae, gedrukt Poemata p. 107. Een afzonderlijke uitgave van het gedicht, waarover in no. 79 en 80 sprake is, is mij niet bekend. Het huwelijk werd 23 Nov. 1606 voltrokken.
    6 - Horatius, Od. II, 17, 30-32.
    7 - Het handschrift van Meursius' Glossarium Graeco-barbarum, dat 1610 uitkwam.