148. [1608] Nov. 23. Aan D. Heinsius1.

Clarissime domine.

Vereor ut satis vendibilis inventa sit opera nostra Indicana, eoque magis quia nihil a te accepi, tam religioso rerum alienarum curatore. Mea quidem interest, ut editio mea me indemnem praestet, neque emam ipse opera mea meo pretio, quae rursum aliis donem. Tamen si non potest lucripetis vestris persuaderi ut desiderio meo satisfaciant, malo librorum aliquot quam temporis facere iacturam: Itaque celeritatem editionis in primis tibi commendo, sine qua et usus et gratia operis peribit. Hodie admonet me quidam ut circumspiciam, nunquem possem reperire qui Gallice hoc scriptum interpretetur2. erunt forte studiosi apud vos Galli literati, quorum siquis aliquot horas in translationem velit impendere, poterit et typographum demereri, et me, qui libenter relegam et considerabo, num sensus meus, qui mihi optime debet esse cognitus, satis expressus sit. Rogo te patiaris hanc tibi a me molestiam imponi, ut partui nostro obstetriceris. Sed et alieno nomine te sollicitabo. Ianninus induciarum arbiter magni

130

Tui studiosissimus
H. Grotius.

Adres: Erntfeste hoochgeleerde wijse seer voorzyenige here Daniel de Heins Professeur ende bibliothecaris vande Universiteyt tot Leyden. Loont den bode.