eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    607. 1620 Nov. 1. Aan Willem de Groot1.

    Tua2 in Decalogum, mi Frater, legi cum voluptate. Nam et sententiae sunt optimae et versus dulces. Neque vero putanda est haec opera aliena ab homine non Theologo, cum Scriptura omnibus pateat, praesertim ea pars quae vitae praecepta continet. Remittam opus tuum per matrem, quo tempore, si Deus permittat, et D. Erpennio et Vossio rescribam3. Novam Senecae editionem et notas ad veterum4 fragmenta nondum accepi5. Ubi accepero legam cum cura, quanquam defectus omni critica supellectile. Orationes ad concordiam monitrices olim cum a nobis quotidie inculcarentur contemtae vereor ne nunc sero adhibeantur tam late discisso vulneri. Deus Optimus Maximus rogandus est aliquam inveniat rationem qua salva salutari veritate pax publica conservetur. Remitto Patris Paraphrasin in Epistolam Iohannis Apostoli6, interpolatam a me nonnihil, ita tamen ut ipsi liceat suo uti arbitrio in suo opere. Ideo antigraphum eius servavi. Danielis precatio quam misit valde mihi placet. Rependam hoc munus remissa precatione non dissimili Nehemiae7, quam ut spero mater adferet. Lucae Brugensis commentarios8 accepi, apud quem plurima invenio ita exposita quomodo ego nullo auctore exposueram. Valde me confirmavit iudicium eius accuratum et diligentia singularis, quam et in Pecherello9 admiror, qui mihi videtur si quis unquam veram ingressus viam Sacras literas interpretandi. Ego quoad potero legam eorum vestigia, quanquam saepe libris ad institutum necessariis destituor.

    De natalitio carmine10 mater nunc gratiam facit: sed rogat in posterum memoriae imperes, ne eum diem sibi excidere patiatur. Pro valetudine omnes

    37

    Deo habemus gratias. Eiusdem clementiae patrem omnesque sanguine, affinitate aut amicitia iunctos unice commendamus. 1620. Calendis Novembribus.

    Tui amantissimus Frater
    H. Grotius.
    Notes



    1 - Gedrukt Epistolae p. 761.
    2 - Een werk van dien naam van Willem ken ik niet.
    3 - Zie p. 39 n. 9.
    4 - Vermoedelijk is hier ‘Tragicorum’ uitgevallen. Zie p. 29 n. 8; no. 608, 609.
    5 - Zie p. 29/30 n. 8.
    6 - Noch deze paraphrase, noch de zoo dadelijk te noemen Precatio Danielis van Jan de Groot ken ik. Ze komen niet voor in de n. 10 genoemde Oovergebleeve Rijm-stukken.
    7 - Grotius' Nederlandsch gedicht: ‘'t Gebed bij Nehemias, II cap. 9’, gedrukt: o.a. Christelicke Gesanghen ghetrocken uyt het O. en N. Testament (Rogge 332); Bewijs van de ware godsdienst, door Jer. de Vries (1844) p. 241 (zie hiervoor p. 26 n. 6).
    8 - Lucas Brugensis, In sacrosancta quatuor Iesu Christi Evangelia Commentarius, 1606 vv.
    9 - Pierre Picherel, groot vriend van De Thou. Een exemplaar zijner Opuscula theologica (Elsevier, Leiden 1629) met hs. aanteekeningen van Grotius is op de Leidsche Univ. Bibl.
    10 - Hugo's moeder verjaarde 22 October (geboren 1561).
    Het gedicht van Willem is te vinden in: Oovergebleeve Rijm-stukken of vervolg der Versen van ... Jan, Huyg, Willem en Pieter de Groot (1722) p. 961 (Rogge 370).