eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    987. 1625 Juni 13. Aan Willem de Groot1.

    Iter tuum, mi Frater, recte tibi processisse ex animo gaudeo. Stridenii2 viri optimi filium desidero amplecti. Meretur patris virtus, ut eum faciamus plurimi. Ad Scriverium scripsisse me illo tempore memini ut et ad amicos alios.

    455

    An Apologetici3 edendi spem ei fecerim, non satis succurrit. Mairio, si velit, mittam libri mei exemplaria4. Pretium ei dicam tres florenos. Excurrit liber in quintum usque Alphabetum5. Quando Buonus6 nos fallit, per eum curari poterit ut librorum a me editorum nomina in Catalogo compareant. Poemata7 si edere cupiat, non intercedo, dum typographica errata corrigantur. In Silva8 nihil muto, aut sic edenda est, aut edenda non est. Quod si illa eo modo tolerabilis non est, sane et alia quae hic scripsi pleraque tolerabilia vix erunt. Tamen consilium hac de re tuum audire aveo. De schedio cambii9 quod curam suscipis gratum est. Uxor negotium sibi ab amicis iniunctum curabit. Legatus Pontificis10 librum meum de iure pacis et belli diligenter legit: et dicitur non improbare, quanquam offensus primo quod Episcopi Romani legisset nomen11, assuetus superbioribus titulis. Dubletus et Nicolaus Normannus12 ex Romano itinere incolumes hic adsunt. Reginae tres eunt Bononiam. Rex non ultra Ambianum progressus, it Fontembellaqueum, et inde porro, ut putatur, Compendium. Nutant hic consilia inter bellum externum et civile. Utinam qui hic exspectantur a Rupella et Subizio legati aliquid adferant quo Regem non alienum a conciliatione demulceant. Italicum bellum lentum negotium est. Bredae damnum13 multum hic nocet famae partium et Legati molitionibus patrocinatur. Rogo inclusae hae literae14 quam celerrime curentur; addam id nunc semel, sed ut perpetuo valeat, ne quis quamvis amicus de hac literarum missione aut de eo quod ore respondebitur quicquam resciscat. Minima enim effutitio magnum rebus nostris adferre incommodum posset. Lucanum15 libenter legam, et cum manuscriptis etiam conferam primo otio. Sed scire velim exemplaria quae dicis sintne ex editione mea veteri16, an ex nova mihi non visa. Nam si posterius hoc est, opus erit exemplar mihi mitti. Gondomarium17 ab Hispania Legatum, magnum impostorem, cras hic exspectamus. Vale mi Frater, et nostros saluta. Lutetiae 13 Iunii 1625.

    Tuus totus
    H. Grotius.
    Notes



    1 - Gedrukt Epistolae p. 783.
    2 - De advocaat Quirijn van Stryen, wiens zoon naar Parijs zou gaan; zie no. 985.
    3 - Verantwoording; zie p. 76 n. 1
    4 - Zie p. 453 n. 8.
    5 - Zie p. 422 n. 1.
    6 - Zie p. 453 n. 4.
    7 - Na de uitgave der Poemata in 1617 is er pas weer een editie verschenen in 1639; Rogge 280, 281.
    8 - Zie p. 101 n. 7.
    9 - Zie p. 453 n. 9.
    10 - Zie p. 432 n. 5.
    11 - De iure belli ac pacis II c. 9 § 11, 4.
    12 - Waarschijnlijk moet gelezen worden: Meermannus, en zijn bedoeld George Rataller Doubleth en Nic. Meerman.
    13 - Breda was 2 Juni overgegaan.
    14 - Zie p. 453 n. 3.
    15 - Grotius had 1614 Lucanus uitgegeven; een tweede editie is van 1619; de derde kwam in 1626 by Le Maire te Leiden, Rogge 378 vv. Zie deel I reg. i.v. Zie ook no. 997.
    16 - De editie van 1619; Rogge 379,
    17 - De Spaansche gezant te Londen, graaf Gondomar.