Search
Add panel
[tiler debug info]
Choose a letter
Nihil quidem hoc tempore abs te habui; scribo tamen, mi frater, ut scias nos etiam hoc anno recte valere, quam possumus fortissime concoquentes tan-
155
tam temporis jacturum et spes subdolas. Sed haec forte Deus in bonum nostrum vertet.Tilenus2 Casauboni3 ad se epistolas non reposcit modo, sed reflagitat. Et scis quam sit δεινὸς ἀνὴϱ. Dies sunt tres ex quo Barlaei carmen accepi nempe Argonauticum4. Literae datae sunt mense Maio, in quibus scribit mihi Silvam Ducis obsideri et bonam spem esse capiendi. Nescio, quo ille fato sit in chartis curandis, nisi quod non dissimilis ero in recipienda Grolla5. Scribo illi ne quid a me tardatum putet. Et Camerario juveni6 respondeo. Utrumque epistolium curae tuae, ut omnia mea, commendo.
Frater Regius7 jamjam Aureliam non in aula exspectatur, auctis reditibus, de matrimonio8 dilata deliberatione. Ex re est Galliae hanc spem turbandi exteris eripi. Cardinalis9 Lugdunum properat bellum parans, sed ita ut prudentes pacem magis augurentur. Qui inducias Batavicas10 improbant - ut Gallorum multi et Veneti haud obscuris de causis - dicunt per eas oppressae parti spiritum rediturum. Intelligo a rege offerri nostris sesquimillionem florenorum in praesens et in posterum ϰαλὰς ἐλπίδας, ut aut evertatur istud negotium, aut trahatur, sane magno jam in tempore pretio. Nostri forte nihil interest, quid statuatur. Ego Deo adjuvante mihi videro.
Vale, mi frater, et parentes optimos, tuam quoque matronam11 et propinquos saluta.
11 Ian. 1630.
De Dedicatoria Phaenissarum12 nihil muto. Intelligo vocatum iri Lugdunum Salmasium13 proximo conventu curatorum.
Tui amantissimus frater
H. Grotius.
