1580. 1631 februari 6. Aan Willem de Groot1.

Falcoburgica2 cum liberis hic est in mensem Martium iter parans, si coelum permiserit. Ita confecta erat macie tot adversis contracta, ut sane opus habuerit tempore ad recolligendum spiritum. Nos omnia facimus, ut ipsi ac virginibus tempus quam suavissime transeat.

Premet haud dubie urbes nonnullas illud augmentum tributi in domos: nobiles etiam et alios, quorum res in fundis sunt, illud in agros. Tamen laudo, quod omnia in bellum parantur, modo id ne fiat ferino pacis odio.

Iudicia de Institutionibus3 per te discam rogo et Cordesiana4, quae identidem auxi, commendo. Tum et de Phaenissis5.

Hic turbae novae ad veteres octo sunt dies, cum frater regis6 ad cardinalem7 ivit atque domi ipsius inimicitias denuntiavit, quod matrem suam8 adeo ab ipso contumaciter sperni pati non posset. Hac testatione interposita abiit cum suis Aurelianum, quid facturus ne illi quidem sciunt, qui omnia se scire existimant.

322

Supplicatio Marillaci marescalli9 ad demonstrandum delegationem judicii in se factam nullam esse in parlamento admissa est.

Quaesumus saepe nos facias de rebus et publicis et privatis certiores salutesque omnes, sed parentes maxime.

6 Februarii 1631.

Tuus tui amantissimus frater

H. Grotius.