eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    2120. 1635 mei 24. Aan Willem de Groot1.

    Mi frater,

    Ex literis tuis, quas 14 ad me dedisti2, discere gaudeo manere literis itinera, unde colligo non tam rigide quam dicitur interdicta esse commercia.

    Rex3 jam electorem Trevirensem4 bis repetiit et simul dicitur a Gallis capto oppido Marchae ad Faminam bellum esse commissum. Utinam qui alios implicant se non extricent.

    506

    Libenter et ista de Philippina et quae addis cognovi. Matrem5 senectutis urgeri incommodis valde doleo. Deus illi, patri6 vobisque omnibus adsit. Insignium cum casside7 bene expressorum valde egeo. Documenta justorum meorum in Rotterodamenses et tibi et D. Reigersbergio8 commendo quantum possum. Petrum9 quibus studiis destinare debeamus - urget enim aetas - rogo omnes cogitetis. Ego longius absum quam ut omnia, quae ad ingenium corpusque spectantia in consilium adhibenda sint, nosse queam.

    Poëmatum10 exemplaria exspectabo. Tu quae ibi erunt, divides ut monui.

    Cras ad aulam eo promovendis et nostris et amicorum, quos in Germania habemus, negotiis. Rogo, ut, si qua re repensare potestis honorem, quem mihi habuit cancellarius11, cum praeter collatam dignitatem hospitio quoque meo uti voluit, ne quid omittatis.

    Vale cum parentibus, uxore12, liberis13, Losecatio14 ejusque domo et omnibus, qui nos ullo vinculo contingunt.

    Lutetiae, 24 Maji 1635.

    Tui amantissimus frater
    H. Grotius.
    Notes



    1 - Gedrukt Epist., p. 853. Antw. op no. 2099; beantw. dd. 18 juni 1635 (deel VI).
    2 - No. 2099.
    3 - Lodewijk XIII van Frankrijk.
    4 - Philipp Christoph von Sötern; zie no. 2097, p. 473 n. 1.
    5 - Aeltgen van Overschie.
    6 - Jan de Groot.
    7 - Vgl. hierover o.m. no. 2099, p. 475 en verwijzingen in n. 4 aldaar.
    8 - Nicolaes van Reigersberch.
    9 - Over Pieter, die voor zijn studie in het vaderland vertoefde, zie no. 2108, p. 489 en nn. 5 en 6 aldaar.
    10 - Hvgonis Grotii tragoedia Sophompaneas. Accesserunt, Tragoedia ejusdem Christvs patiens, et sacri argvmenti alia, Ex editione anni MDCXVII recusa emendatiora. Amsterdami, Apud Gvilielmvm Blaev, MDCXXXV. Ter Meulen-Diermanse, no. 157; het werk was zojuist van de pers gekomen.
    11 - De Zweedse rijkskanselier Axel Oxenstierna.
    12 - Alida Graswinckel.
    13 - Johan, Jacob, Maria, Alida, Anna en Titia, zo dit kind, dat jong gestorven is, toen nog leefde.
    14 - Frederik van Losecaat, gehuwd met Grotius' zuster Adriana.