eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    2237. 1635 augustus 17. Aan Willem de Groot1.

    Mi frater,

    De filii Petri2 negotio cogitanti mihi pensiculatius venit in mentem, cum ad id, unde res ipsi speratur, cognitio ei necessaria sit navalis rei mercatoriaeque neque possint maritima in terra disci, si ob longinquitatem India Asiatica ipsi displicet, tamen aliquod iter ipsi experiendum vel in Brasiliam vel in aliam

    166

    Americae partem, ut quae alibi disci non possunt, ibi discat, magnas suo tempore utilitates inde percepturus, quod non dubito. Ut igitur hoc ipsius cum voluntate quam honestissime fiat, vos amici, ut spero, laborabitis. Didericum3 constituimus ad nos vocare, simul in hyberna discessum fuerit, ut de eo consilium sumamus, quod ei optimum erit. Velim emi mihi et mitti occasione prima mappam Iudaeae a iudaeo editam4 et alterius iudaei librum, qui continet conciliationem ἐναντιοφανῶν veteris Instrumenti5.

    Nos de Maguntia, Francofurto, Franckendalia, Hanovia, Manhemo, arce Heidelbergensi, quae omnia loca hostis premit, partim et fames, per incerta itinerum ignari eoque trepidi vivimus. Lafortio6 equitis aliquid et commeatus nonnihil ademit dux Lotharingus7, cujus indies crescunt copiae ex Burgundia et ex ipsa Lotharingia pronis indigenarum in veterem principem animis. In Rhaetis res sunt satis prosperae expulso undique Hispano et Caesariano milite, qui nunc in Tirolensi agro se recolligunt. Classis Hispanica nuper disjecta tempestatibus8, iterum apparuit.

    Vale cum optimis parentibus9, uxore10, liberis11, amicis et res meas curare perge.

    Lutetiae, 17 Augusti 1635.

     

    Rogo si quid scriptum dignum intellexeris de iudiciis super Poematis sacris meis nuper editis12 aut recusis, ne me caeles.

    Erratis aut emendandis, quorum indiculum misi, haec etiam addi velim.

    pag. 131. lin. 18. scandat scandet 141. 6. mentis Mentis 164. 12. certe, haec certe haec,13.

    Tuus tui amantissimus
    H. Grotius.
    Notes



    1 - Gedrukt Epist., p. 855. Tesamen met nos. 2226, 2244 en 2250 beantw. d. no. 2268.
    2 - Over Grotius' tweede zoon Pieter, die voor zijn studie in het vaderland verbleef, zie V, p. 489 nn. 5 en 6.
    3 - Diederik, Grotius' derde zoon, studeerde vestingbouwkunde onder Johan van den Bosch, luitenant-generaal der artillerie.
    4 - Wellicht de bij Elsevier in Leiden in 1633 verschenen vertaling door Constantijn l'Empereur van Oppijck van het Itinerarium van Benjamin ben Jona uit Tudela; zie IV, p. 152 n. 1.
    5 - Grotius doelt ongetwijfeld op Menasse ben Israels Conciliados o de la convenencia de los lugares de la S. Escriptura, que repugnantes entre si parecen, Francofurti, Auctoris impensis 1632, waarvan Dionysius Vossius in 1633 een latijnse vertaling uitgaf: Conciliator sive De Convenientia locorum S. Scripturae, quae pugnare inter se videntur. Opus ex vetustis et recentioribus omnibus Rabbinis, magna industria, ac fide conquestum.
    6 - Jacques Nompar de Caumont, markies van La Force.
    7 - Karel IV, hertog van Lotharingen.
    8 - Vgl. no. 2147, p. 30.
    9 - Jan de Groot en Aeltgen van Overschie.
    10 - Alida Graswinckel.
    11 - Johan, Jacob, Maria, Alida, Anna en Titia.
    12 - Hvgonis Grotii tragoedia Sophompaneas. Accesserunt, Tragoedia ejusdem Christvs patiens, et sacri argvmenti alia, Ex editione anni MDCXVII recusa emendatiora. Amsterdami, Apud Gvilielmvm Blaev, MDCXXXV; Ter Meulen-Diermanse, no. 157.
    13 - In de in hetzelfde jaar, 1635, verschenen herdruk: Hvgonis Grotii tragoedia Sophompaneas. Accesserunt, Tragoedia ejusdem Christvs patiens, et sacri argvmenti alia. Editio nova ab ipso Autore recognita & emendata, ut videre est pag. seq. Amsterdami, Apud Gvilielmvm Blaev, MDCXXXV - Ter Meulen-Diermanse, no. 159 - zijn de voorgestelde correcties aangebracht resp. p. 94 reg. 2, p. 100 reg. 30 en p. 117 reg. 2.